غوارق فالمحاجر جرحتني فالخفاء تجريح = و سحايب ثلجك يطفي لهيب النار وجروحي
وكأس المر من يدك مذاقة مثل طعم الشيح = أساير جمرة ٍ منها بلاي ودمعي يفوحي
بلينا وأبتلينا نحسب إن الحب بالتلميح= وصرّنا فيه لانسمع ولاطعنا ولانوحي
تغلغل في حشاء روحي وأله روحي فداء تشريح =عساه لياخذاء روحي يقول اليوم مسموحي
مدامع جمرها يغلي على حدب الضلوع يفيح =ويحطبني يباس من الضلوع وكسرها نوحي
بدايه والنهايه مالها باقي ولاتصليح = أدوّن باقي سنين العمر من دون مصلوحي
تعال وعدّل بكفك موازين الغلا ترجيح =خذها جد لومره كفاني وأنته مزوحي
أحبك والمحبه ماتجي بالزيف والتلقيح = مادام إنك شموخ ٍ فالغلا لاتهدم صروحي
صريح و صادق بحبك وربي مايبي تصحيح = جرى في دم شرياني ولأسمع فيك منصوحي
خلاص أصير لك حصري ولايقبلني الترشيح = تقول إني بعد روحك وأوقول إنك بعد روحي
تنشّاني غلاك اللي دفعته مع هبوب الريح = وأفز لطيفك العابر وأجر الصوت مبحوحي
أقوم بفرحتي وأحزن وأقوم ألها رجاء وأطيح = يموت الحي في روح ٍ جسدها قبر مذبوحي