[عبدالعزيز العمار]

السلام عليكم ورحمة الله وبركاته..

مساكم الله بالخير والمسرات..

اخواني واخواتي عندما تغيب الشمس ويحين موعد الليل ,,
تبدأ المواجع والآهات بالحضور وفرض السيطرة على الشاعر بإعلان حالة السهر على العين وبوح مافي القلب بهذه الكلمات التي اتمنى أن تنال استحسانكم وقبولكم.... تفضولوا وشاركوني ........
.
.
.
.
.

الشمس غابت واقبل الليل بسكون=والنفس ضاقت من لهايب شقاهـا
زادت غرابيل الزمن..يالله العـون=وضاق الحشا من جورها في مداها
في داخله حزن ٍ.. ثقيل ٍ ومكنـون=وفي داخله.. لوعات هم ٍ..لواهـا
كنّه غريق ٍ في بحور ٍ..بـلا عـون=وش حيلة الغرقان من كثر..ماهـا
يضحك وقلبه بين الاضلاع مطعون=ويخفي طعونه عن عيـون ٍ لفاهـا
يضحك وهو من جور الايام مغبون=ويكتم عن الأحباب نارن لضاهـا
يمشي على كف القدر وين مايكون=ويصبر على المكتوب لامن عناهـا
ويصبر على ضيمات الايام بالهون=وعزي لحاله مـن همـوم ٍلقاهـا
إليا ضواه الليـل دمعـه يهلّـون=من حرّة العبرات جاوب.. نداهـا
يونّ ونّت اللي بالحبـس مسجـون=ويطلق عناها من محاجر حشاهـا
يشكي زمانه من مشقّات وديـون=أو من حياته.. بالمشاكل حواهـا
ويشكي سنين العمر للّي يعـدون=أو من منات الروح تاهت خطاها
وين السعادة اللي هامت بها عيون=وين الفرح اللـي تغنّـى وراهـا
يالله ياللي كل من جـاك محـزون=ياواحد ٍ كـل الخلايـق كساهـا
أسألك يا إلهـي بالصبـر والعـون=وافرج هموم عبدك اللي شكاهـا
واختمها بالصلاة من خالق الكون=علـى نبيّه..عـد غيـم ٍ ملاهـا

عبدالعزيز بن سـعـد بن عـمـار