هلا بك يا اقدس الأشهر ورمز الوحدة الكبرى= مابين المسلمين بكل هذا الكون واقطاره
هلا بك توقظ الغافل من اللي ما احتمل صبرا = يبي الدنيا ولا فكّر بلحظه تعلن اسفاره
قضى عمره مثل غيره كأنه ناسي القبرا = كأنه جاهلٍ من راح وانقطعت به اخباره
الا يا صاحبي هذا الشهر فرصتك للأجرا = فلا تدري متى يومك يحل بدون انذاره
وترى في صومنا غيض العدا من ملة الكفرا= فهم يخشون قوة ديننا لا هبّ ملياره
يذكرهم بوقت فات كان المجد والنصرا= لنا دون الخلايق ما نهاب الموت واعصاره
تحت ظل السيوف ورآية التوحيد والبشرى= هزمنا قيصر وكسرى وصرنا نحكم امصاره
لتبقى "الله أكبر" عاليه في البر والبحرا = تحرر كل مستضعف وتنشر عدل بدياره
ولكن بعدما حنا تزحزنا عن الصدرا = غدينا مطمع العادي يمشّينا على الشاره
لأن الصوم مثل الدين اخذها البعض كالسترا= ومظاهر خادعه للي يظن العز دولاره
بلا إيمان من قلبٍ يخاف الله في السرّا = يظل الخوف يحكمنا من اللي طالت اشباره
يفرقنا ..يجمعنا على كيفه وبالجبرا = وياخذ ما يبي منا ولا نقدر على حصاره
عباد الله هذا الشهر فيه الكسب للأخرا = وفيه العز في الدنيا لمن لايعرف اسراره
فكلٍ يخلص النيه ليسهم في بناء النصرا= فوعد الله لو طوّل يجي في يوم لانصاره
«®°·.¸.•°°·.¸¸.•°°·.¸.•°®»صح لسانك يابوعبدالله وجزاك الله خير
نعم نستقبل شهر الخير بكل خير ان شالله
اللهم وفقنا واخواننا المسلمين فيه الاجر والثواب«®°·.¸.•°°·.¸¸.•°°·.¸.•°®»