مسكين راع الهوى متردىٍ حاله = غرام طيف الهوى والشوق يلعبه
دايم مزاجه حزين و مشغلن باله = الشوق ناره بوسط القلب مشتبه
شوقه لخله يزيد بزود كل ماله = يشتاق لو كان خله جالس بجنبه
له في حياته أمل يشقى ويسعى له = يبذل جهودٍ كثيره لجل يظفر به
قلبه مع اللى يريد و رايد و صاله = معشوقه اللى سلب تفكيره و حبه
هو غايته والمنى يهواه بـ لحاله = يوم الأمل غايبٍ عن عينه وقلبه
ما يستمع للوشاة و قول عذاله = ما هـمّـه الا هـواه اللى تولع به
عزي لراع الهوى ياناس عزاله = حاله صعيبٍ علي يالله تلطف به
عساه يلقى السعد و يحقق آماله = و يلقى بحياته فرح من ربى و ربه