[ابو زياد]

المشاركة الأصلية كتبت بواسطة ابو زياد

والثاء ثلاث عض فيهن بالاسنان=الحر وعده دين ماهو بريره
والعين تحت وحدها الله بحجان=ماتعتلي عنها ولو هي كبيره
والثالث اللي كل يوم بميدان=ما يقضب ارضه ياا يقلل قديره

والجيم جينا نطرب وكان ما كان=كانت بكيفي ثم صارت جبيره
جارك قبل دارك تخير والى زان=تعيش جمبه في حياة سريره
واللي يشوفك شوف نقص وحقران=احقر نباه وشوف عينه حقيره
والحا حلاة الثوب لا جاه نقصان=يرقع من اصله لايبين قصيره
والعنز عنز ولو طارت بجنحان=والنار توقد من صغير الشريره
وان كان بيتك من زجاج ولكزان=فاحذر تحذف بالحصاة الصغيره