[الطائر المهاجر]

داعي الشوق
القصيدة رقم (61)
ياوقت وش بك كذا

با سباب هاك النهار إتنكدت حالي = من جيت ذاك المكان اللى تناسيته
عكّر عليّه مزاجى وانشغل بالي = من يوم شفته مع الشارع و مريته
دارٍ قديمه لمن هو كان لي غالي = يوم كان بيتي قريب امقابل بيته
أخذت ساعه وانا فى شارعه سالي = أتذكر ايامي اللى معه قضّيته
من شفت بابه عتيق وفيه الاقفالي = وقفت عنده تأملته و حنيته
يا عين شوفي سبب ماجاله وجالي = شوفى سبايب دموعك يوم هليته
كنّا و كنّا و صار الحال له حالي = أصبح زمانٍ من الماضي تمنيته
هذاك شباكه اللى درفته مالي = ياما نظر لى معه كل ما تحريته
كنا نطالع و ننشد كل الآمالي = على التصافى مصافيني و صافيته
واليوم دار الغضي متهالك و خالي = يا وقت وشبك كذا ويش أنت سويته
ما كن به ناس عاشت فيه واجيالي =ياليت وقته يعود اليوم ياليته

ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ـــ

القصيدة رقم (62)
مادام قلبي

إستغربَت كلمتى يوم قلت انا احبك = إ تبسمت لى و قالت لا تجاملني
قالت كلامك بدا ياسعود من قلبك = ولاّ ببعض الغزل تبغى تسمعنى
جاوبتها يالغضى ما تخاف من ربك = قلبى معك مآخذه ياسارقه مني
قلبى أسيرٍ معك مرهون فى حبك = عايش بلياه يا ليتك تساعدني
ياليت أبقى معك و اعيش فى قربك = مادام قلبى معك يا زين إرحمني
انا بحبك غريق الحال متشربك = شبكتنى بالعيون اللى تناظرني
أنت المنى والأمل اهواك واحلم بك = ياغايتى بالحياة أرجوك تفهمني
يازين لجلك زرعت الورد فى دربك = لو كان كل الزهر منك يغارني
نهج الوفا و الصفا هو طبّي وطبك = دام الهدف واحد و ظنك على ظني
بالحب ماقد طرا فى بالى العبّك = عهدى وثيقٍ معك بس أنت عاهدني

ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ

القصيد رقم (63)
مالك مكان بينهم يالمعادي

أرسل سلامٍ نابعٍ من فوادى = يم الرجال اللى لها عزٍ و شان
يم الفطاحل بارسله مع ودادي = فيه المعانى مسطرات بقيفان
معه الورود معطرات بكادى = حيث إنهم يبقون للطيب نيشان
إنعزهم والله و الشوق زادى = تقديرهم بالصدر متزايد و بان
أهل العلوم الغانمه و المبادى = اللى خذوا بالطيب والمجد عنوان
أهوى سوالفهم و غاية مرادى = لاجيتهم بالشات تنزاح الاحزان
طبع النشاما مآخذينه عمادى = منهاجهم ربعٍ مطاليق و إخوان
كم غاويٍ حاول يشب الوقادى = متنكرٍ بقناع مسموم و لسان
ودّه يشق الصف والصف حادى = هيهات يالمسكين غلطان غلطان
مالك مكانٍ بينهم يالمعادى = مستوقد النيران تصلاه نيران
الله يديم العز ياهل السدادى = على الفطاحل دايم بكل الاحيان

ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ــ

زيد راجح
القصيدة رقم (64)
يابحر

يابحر من ينقذك من بقعة الزيت=اللي على اصدافك خطرها وحوتك
تسللت باضرارها وانت هدّيت=من ثورة امواجك وضيّعت صوتك
ركنت في حضن الدعه واستكنيت=والمشكله وابعادها في سكوتك
نمت ووجدت النوم راحه وغطيت=والركب خليته يمر ويفوتك
تغيّرت معالمك واضمحليت=واحرقت عام الطبعه اخر كروتك
هذا التراخي كان فيه استمريت=ابشر بموتك كان يرضيك موتك
يابحر واللي كوّنك ماتمنيت=الا تمارس مثلهم جيبروتك
ابيك يوم انك عشقت وتماديت=واعطيت من جهدك وصبرك وقوّتك
واخلصت في كل الامور وتفانيت=واظهرت في كل المواقف ثبوتك
تقول انا وفيت وفيت وفيت=ترفع بها صوتك وتذبح سكوتك

ــــــــــــــــــــــــــــــ ــــــــــــــــــــــــــــــ ــــــــــــــــــــــــ

القصيدة رقم (65)
ياوزير المال

ياوزير المال تكفى كان عندك حيله=شوف لي عندك خبيرٍ يستطيع إرشادي
ينفذ المصروف مني بعد عاشر ليله=وباقي العشرين في صبر وضنك واجهادي
راتبي سته ومستاجر وعندي عيله=واسرتي عشره من الجنسين وانا الحادي
وارتفاع اسعار الاشياء عندكم تفصيله=الزياده مذهله والوضع ماهو عادي
يرفعون ا لسعر فوق ويبخسون الكيله=والغلا الفاحش من الممكن وراه ايادي
والمحلل وش يحلل ضايعاّ تحليله=سندوابه بطن وادي واحدروبه وادي
وانت يامن يشتكي لي حالته وابكي له=فوّض امرك للكريم وخل جوك هادي
لايهمك لا فتتاحيه ولا تقفيله=اترك السوق بخوافيه ان نقص او زادي
كنت اهيجن كلما النفط ارتفع برميله=فرحة به واحسبن المستفيد ابلادي
مادريت ان السعه والخير في تنزيله=والسنين اللي مضت لي كنت فيها غادي
ينخفض ويعّود الدولار سيد جيله=استفيد وتستمر الفايده لحفادي
ياوزير المال هل للوضع من تعديله؟=قبل ترخص ذمتي من شان عيش اولادي

ــــــــــــــــــــــــــــــ ــــــــــــــــــــــــــــــ ــــــــــــــــــــــ

القصيدة رقم (66)
ديون راعي البيت والبقال

ياصاحبي وش مشكله لو زادت اسعار الحديد=المشكله قوت الفقير اللي يده مامدها
قبل امس احدهم في البقاله راح ماخذ اللي يريد=يشيل حاجاته من اعلى ارفوفها ويردها
مافي يده مايدفعه قيمه ولا عنده رصيد=وديون راعي البيت والبقّال كيف يسدها
ياحي ياقيوم يارحمن لطفك بالعبيد=يارب وسّع في مداخيل العباد ومدّها
نمسي ونصبح واكثر الاشياء لها سعر جديد=مطامع التّجار من ياقفلها ويحدها
ماهي بتنزل عن معدلها الجنوني بل تزيد=وان مانظر في وضعها لابدها لابدها
تخلي المحتاج عن توفير حاجاته بعيد=واماله اللي كان بانيها عليه تهدها
ياخوانا التجار بالمعقول كل(ن) يستفيد=ارباحكم في خانة المعقول ماحداّ ضدها

ــــــــــــــــــــــــــــــ ــــــــــــــ

بنت القصيد
القصيدة رقم (67)
محدن علي ياصاح

السالفه وان كانها اليوم تشكيك=محدن علي تلحقه ياصاح شكه
وان كان حملك ما تشيله اياديك=رك الحمل ياراعي الهرج ركه
سكر عن اهروج الاوادم اذانيك=لا تاخذك يمّ الرديين سكه
والهرج لا جالك من الغير ينبيك=ينبيك عن خافي نواياه لكه
وعيون بعض الناس بالكيد ترميك=واللي يدكك بالمكيده تدكه
لا تامن اليا كثرو اللي حواليك=محدن يفيدك بالزمان ومصكه
ياكود فعلك في زمان المماليك=يعني ظهرك اليوم بايدك تحكه
واشره على اللي لا لفوه الصعاليك =ساوا بهم شيخ الفعول المضكه
شيخن فعوله ما تجي في حراويك=يومه نوى راسك عن المتن فكه
وان كان في خوّتك مرّ الشرابيك=جرّب مذاقن صح ماهو منكه
دام الرديه نابيه منك وفيك=محدن حمى مكه كثر قوم مكه
ايتكني قلبي على كل تشكيك=وجدي على من صابه اليوم تكه

ــــــــــــــــــــــــــــــ ــــــــــــــــــــــــــــــ ـــــــــــــــــــ
القصيدة رقم (68)
واعذاب الأرامل

هب نود الجنوب وزان بدع القصيد=وراودتني بحور وزانت لحونها
واعتزيت ابهجوسن باللوازم تصيد=نادراتن يصير الكل مفتونها
ياهجوسي تثني وازهلي كل حيد=رحبي بالحروف وزين مضمونها
علمي هالربايع تعتزي بالفريد=وان درب الجزاله معك يمشونها
ياهجوسي تغني بالشعر والنشيد=عبري بالحروف اللي بيقرونها
لا قروها جموع القوم عبدن وسيد=عوّدي للهنوف وشوفي عيونها
واوجودي وجود اللي رجلها فقيد=واعذاب الارامل لو يعزّونها
ذيك همن جديد وذيك همن وقيد=فوق ذاك العنا قاموا يعنّونها
لاصبحت ترسمه في كل ركنٍ وحيد=ولا تمسّت لفاها طيف مدفونها
اتحكيله عن اسباب العذاب الشديد=وان محدن سواه اليوم بيصونها
لين قالوا عربها ذي عقلها بليد=وصّو عيالها دايم يخبونها
ذا وجودي كتبته دون خوف النقيد=والخوافي عظيمه لو تعرفونها
ياهجوسي عذابي قد فتح له رصيد=في بنوك الهموم اللي يطرّونها
لا نشدته علامك ياعذابي تزيد=فوق متني همومن ما يعدونها
قال عندي سياسه في هموم العبيد=والاوادم شقاها بان بمتونها
آتحلا همومك كل يومن جديد=وآتسابق عليها لا يقضونها
لين يقلط عليها خافقك والوريد=نوب يروون منها ..نوب يروونها
جبت علم العذاب وجبت علمن وكيد= ويح!! جمر المصايب فوق غليونها

ــــــــــــــــــــــــــــــ ــــــــــــــــــــــــــــــ ــــــــــــــ
القصيدة رقم (69)
بنت الحمايل

بنت الحمايل يافهد قيدها اسلوم=والبنت ميزتها لصارت عريبه
اللي نهار الهوش تاقف مع القوم=لا طشت الثام الاصاله مهيبه
اخوانها لامن تعزوو بها دوم=حلّو كبار المعضلات الرهيبه
من دونها فرسان شجعان وقروم=اللي لها شيخن تحظظ نسيبه
دوّر على اللي لا تغرّبت محشوم=تحفظ شعر وجهك ولاهي تعيبه
مستورتن باخلاق ماهيب بهدوم=اللي رديّ القوم دايم تريبه
اللي تعزك لا غدا السوق به سوم=سوم الشرف سوم الطهر سوم طيبه
اللي معاها دايم الدوم مخدوم=هذي سعد منهو تجي من نصيبه
ماقول انا بنت الحموله يازيزوم=يقوله اللي شايفن بي طليبه
الظرف يابن الناس واصلك مختوم=يامثمّن الهرجه تراها مصيبه
وان جات للضيقه فلا طالك اللوم=الضيق له ذيبن بصدري قنيبه
محدن قضا عمره بلا ضيق وهموم=هذي علينا بالليالي ضريبه

ــــــــــــــــــــــــــــــ ــــــــــــــــــــــــــــــ ـــــــــــــــــــــــــــــ

ابوعبدالرحمن القريشي
القصيدة رقم (70)
اهل الكرامه

ابسألك بالله ليش انت عايش = لا صرت ما تحمل هموم المسلمين
تضحك وتستهتر مع كل طايش = ولا همكم شط العرب مع فلسطين
همك تلاعب لابسات الغوايش = واهل الكرامة في دماهم مسجين
الله اكبر يا حياة الغشايش = عقب المعزة كيف صرنا ذليلين
نذبح صباح وليل والجرح شايش = ينزف ويندب راحت أيام حطين
من ذلنا صرنا نخاف الخشايش = حتى تبرا الذل من ذلنا الشين
دم العروبه صار نكهة حشايش = وصرنا طعم للي طمع بالملايين
الموت احسن من حياة الكدايش= لا صار ما نقدر نحرر فلسطين

ــــــــــــــــــــــــــــــ ـــــــــــــــــ

القصيدة رقم (71)
مير البلا لامن حسدك

عادي يصير انك من الناس محسود = مير البلاء لا من حسدك اقرب الناس
ترجع ليالي وقتك المزهره سود = وترجع حساباتك على اخماس واسداس
وخيال جوك كنه بروق ورعود = بلاوي (ن) من كبرها توجع الراس
وياللي خلطت بلقمة العيش بارود = عقب المعزة عيب ترجع وتنداس
طعنة ظهر في داخله سم مسرود = تسري به عروق الحسد لأوسط الراس
ليه العرب ما بين حاسد ومحسود ..؟= وليه القلوب البيض طاويهن الياس..؟
ناسٍ تذابح والسبب ناعم العود = وناس على حب الذهب تركب الراس
وناسٍ بحاله مابهم بالعرب زود = تلقاه محسود على شربة الكاس
يالله تعمي كل حاسد ومقرود = وتنزع جذور الحقد من داخل الناس

ــــــــــــــــــــــــــــــ ــــــــــــــــــــــــــــــ ـــــــ

القصيدة رقم (72)
او اصفق للحرامي باحترام

يوم قمت الصبح رايح للدوام = وكني اسمع موتري يجر ونه
ونة اللي كل ليله ماينام = تايه وظروف وقته غربلنه
فوق اربع واضعينه يا حرام = اربع بلكات والبلوى بلنه
لا كفر لا جنط لا شي تمام = كل مابه راح يالله عوضنه
الحرامي شد بالليل الحزام = وما حسب للعاقبه واللي يجنه
لو خبر هالسيف يجزر بالأنام = والله انه ما يهوجس والله انه
لكن استهتر بأمني والنظام = وصار يجبرنا على حد الاسنه
اما ناقف بالسلاح وما نلام = ونردع اللي يعتدي ونبهنه
أو اصفق للحرامي باحترام = وانثبر مع موتري واجر ونه

ــــــــــــــــــــــــــــــ ـــــــــــــــــ

ابومياس
القصيدة رقم (73)
ما تضيق الرجل بالكون الفسيح

يانعيم العود والوجه المليح =هذي يدّي في وصالك شدّها
مايصير انك على وصلي شحيح= والمشاعر كل يوم تصدّها
معجبك قلب(ن)من اسبابك جريح = وضيقة(ن) بالصدر واصل حدّها
كان هذا ماتبي خلك صريح = وكلمة(ن) تخجلك قالوا بدّها
ماتضيق الرجل بالكون الفسيح=ردها ياشيخ عني ردّها
ما اقول اني مكمل ما اطيح= ولو اطيح اكيد كبوه عدّها
دام انا لي بالعرب وجه(ن) فليح = كاتم(ن) والنفس مخفي سدّها
وماعلي من كلمة(ن) ماله نطيح =اترفع ما ادور ردّها
هي رسالة تحمل المعنى الفصيح= مرسلينه بالبريد ليدّها
الصحيح ان كان تطمح للصحيح= نفس راحت ماكسبنا ودّها
بس يمكن تستريح ونستريح= ودامها بالجد تظهر جدّها

ــــــــــــــــــــــــــــــ ـــــــــــــــــــــــــ
القصيدة رقم (74)
عنق الزجاجه

فيني عطش والبال عكرٍ(ن) مزاجه=دكت حصون القلب حمر المطاريق
وقلب المولع ماتبيّن خراجه= تكدر العبرات وسط المعاليق
حبيبكم مافل يوم ٍ (ن) حجاجه= متى على الله تعترينا توافيق
بَعْدك قراح الشرب بيّن هماجه= الحق علينا قبل ماينشف الريق
لي فيك يالمحبوب حاجه وحاجه= ولك عندنا قلبٍ (ن) على البعد مايّّطيق
ترى طريقك رجلنا فيه داجة= شف كيف انا متعلقٍ (ن) فيك تعليق
دربي ظلام مالقينا سراجه= هايم بوجهي بين كل المخاليق
وحشرت حبي لك بعنق الزجاجه=في منطقه فيها من القهر والضيق
مافيه فودٍ (ن) في هروج السماجه= وقطع المواصل بين الاحباب مايّليق

ــــــــــــــــــــــــــــــ ــــــــــــــــــــــــ

القصيدة رقم (75)

انتي شروق الشمس وانتي غروبه=وانتي القمر في مظلمات الليالي
وانتي شمالي لاتجهت الـ..جنوبه = وانتي جنوبي لاتجهت الـ..شمالي
من وين ماوجهت والقلب صوبه= بكل اتجاه اشوف زوله قبالي
هي وحدها اللي في حياتي محسوبه=والقلب عن غيره عزوف ٍ(ن) وخالي
طاريه ماخلى لنا عنه توبه= سالي خذا له قلب ماهوب سالي
تراك يالمحبوب جاير بنوبه= الله يرضى لي عليكم تعالي
حبيبكم شوي ويشق ثوبه=انزل هداك الله من برج عالي
اكبر ذنوبه يوم كبرت ذنوبه= انه هوى له واحد ٍ (ن) مايبالي
خوفي من الله لاتصيبك عقوبه=باسباب هجرك ياعديم الوصالي
صاحبك والله ضايعاتٍ (ن) دروبه=تسري بي الاشواق من شان غالي
والوصل يا اغلى الوصل مابه صعوبه=والانتظار اليوم مابه مجالي
مدي كفوفك وادخلي دوب دوبه= هذي فناجيلي وهذي دلالي
امد لك كيف الغلا مادروبه = عذالنا0 فنجال لاجلك خيالي
ياروعة الاحساس هبت هبوبه=انثر ورودك يابهي الجمالي
وارجع واقول ان هب نسمة غروبه=غالي نوى بالوصل لعيون غالي

ــــــــــــــــــــــــــــــ ــــــــــــــــــــــــــــــ ـــــــــــــــــــــــــ
القصيدة رقم (76)
ماجد الزيد
الناي

هاض قلبي من سمعت الناي تالي ليل غنّا=لعنبوا صوته يهيّض من تحشرج فيه ونّه
يعزفه عودن وسط صدري وله بالقلب حَنّا=يسمعه من كان له قلب شهيد(ن)او مظنّه
ترتعد منّه ضلوعي كن يضربها مجنّا=والزلازل رجرجت في وسط قاع القلب منّه
ذكر القلب العنا ياويل من بالحب تعنّا=عقب عزّه بالعرب متطوّين له خلف عنّه
الذي سوى سواتي عقبها ماقد تهنّا=كم فتى مطرف عيونه من يدينه قد عمنّه
الّليالي حاربنا ووالله انهن ماقونّا=كم تعاركنا سويّه يوم نار ويوم جنّه
ماهزمني غير من حطّت على الكفين حنّا=لعنبوا من جاب ماجد صوب اراضيها يقنّه
شفتها وشفت الجمال وشفت خصرن لاتثنّا=يسلب الرجال عقله والعيون وجنْننّه
لا تحسبون انفرادي عنكم مسن وجنّا=مابقلبي الا شياطين الهوى تلعب بجنّه
قلبي من شوقه تعنّا ينصفق منّا ومنّا=والهوى شرقي ولا لي عن هوى الشرقي ظنّه
ليت قلبي لا تمنّى نال كل ماهو تمنّا= كان لاطبّت ركونه والليالي مــهْدمنّه
ويل قلبي يوم قفّت والدّموع تهل منّا=دمعها بحظني ودمعي بين نهديها تكنّه
وجد حالي وجد قرم ٍ بين ضلعيه المسنّا=ورمح صعلوك ٍ بظهره والمنايا الحمر جنّه
ول ونّه يوم قفّت والدموع تهل كنّا=كن قلبي براس رمح وقلبها بروس الأسنّه
أو عريس ٍ يوم عرسه صاح صايح قد كُمِنّا=العرب قد طوقونا وانت خيال الاعنّه
قال لبيه ابشروا والبيض لاجله غطرفنّا=فرّعن يوم إستشاط وقارض الشفّه بسنّه
داحم ٍ بالخيل ليث ٍ والدمغ يتْطايرنّا=عن يمين وعن شمال ٍ والنّخاوي هيّجنّه
صاح هبّاس ٍ وهبس ٍ ثم جنّا مستجنّا=قال انا خيال حيزا وانفلت شيطان كنّه
تسعة أسياف ٍ بكفّه بالجماجم كسْرنّا=داس بالكردوس دوس ٍ والمنايا دوّسنّه
ونْطلق سهم ٍ تروّى من سموم ٍ يذبحنّا=إرْتكز في وسط نحره قاتله خسّّه ودنّه
حين شاف النبل صاح بحسرت ٍ ثم ون ونّا =السّهم تثقيف ايدينه قبل عامين ٍ برنّه
انتبه ولا المصوِّب من بني عمّه تجنّا=علمه رمي السهام. ويوم صابن.. جن رّمنّه
وتْركوه وحوش تنهش في كتوفه ينهشنّا=منقتل في صحصح ٍ وضباعة البيدا كلنّه
ردّوا الانذال قالوا باننا كنّا وكنّا =جولة ٍ صلنا عليهم.. والفتى اسبابه خذنّه
صاحت ارملته وناحت يوم هي طاحت تدنّا=واحبيبي .. فارس الخيل الاصايل يندبنّه
تسعة شهور ٍ وجابت طفل ٍ يْتيْم ٍ يغنّا=ثم خذاها الغادر الّي . نجوم ليله يلعننه
واللعين الي خذاها صار ابو طفل مْتبنّا=ذابح ٍ بيّه وثاره .عند من ربّاه سنّه
يوم شب الطفل نشّد ميمته عن مستكنّا=من ذبح بيي وحق الله للْعن بو مطنّه
قالت امّه سهْم طايش غزوة ٍ بأوّل زمنّا= لاخصيم ٍ لك تراه .الا المنايا وشْلعنّه
قال بنت ٍ شفتها ياميمتي ماهيب منّا=آية ٍ ربّي خلقها تدْفي عن لاهوب كنّه
والله إن البيض تحرم غيرها حنّا ورنّا=حبّها وهي حبته واوصافها الي يسهرنّه
قال عمّه: ثارك الّي تطلبه وإياك عنّا=بيّها ذبّاح ابوك سهامه الّي صوبنّه
قال ارخْوا بوي والله لذْبحه وآلا تدنّا=انْطلق بحصان جنْ جول القطا مايلحقنّه
جاء لابوها وغز رمحه في وسط قلبه وتنّا=قال ابوي ارتاح قبره يوم رمحي فيك زنّه
وصرخت حصّه وطاحت قال ثار السن. سنّا=قالت ام حصّه مهو بآبوك ياحصّه لأنّه
فارس ٍ من قبل عشرين ٍ بطعْناته زبنّا=فاقد الماضي وعقله ماتذكّر من ربنّه
قال وسمه قالت اسمه داهم وحامي وطنّا=مامعه الا حسامه والسهام الّي ردنّه
يوم هو شاف السّهام بدار ربعه يصْنعنّا=ماخذ ٍ سيف القتيل و رايح ٍ يرتاد عنّه
قالت امّه الحسام حسام ابوك وجن جنّا=قال انا ذبّاح ابوي ودنّ سيفه يوم دنّه
ثم ضرب عمّه بضربه والبنات يْصارخنّا=مزّعه بالسيف ضربات ٍ بقلبه مزّعنّه
رد يم حصّه ولاهي واقعه حزن ٍ تونّا=امها ماتت وابوه الي رباها مات منّه
اركز السيف بفؤاده وانتحر ذاك المعنّا=شافته حصّه وماتت يوم يدْيه اذبحنّه
واوجودي من فراق الريم وذا نايي وغنّا=وجد المعنّا وعنّي .. ماذبحني غير ونّه

ــــــــــــــــــــــــــــــ ــــــــــــــــــــــــــــــ ـــــــــ
القصيدة رقم (77)
دفوف عبقر

العبي جنّيتي دفدفي لي بالدفوف=لاسمعت دفّيفها يرتجف قلبي ارتجاف
دندني لي بالوتر موّلي ياليل أوف=غطْرفي يابنت وآنا بسندهن ظِراف
العبي فيما بدالك لعمري لن اروف=إنّ أقوام ٍ بغوا الّعبيها عن الآف
عيطموسي جلجلي زهزجي فوق الحروف=ما رجا من دّهره ِ غير أن يحيا كفاف
زهزجان ٍ ينسمع من ورى دار الهفوف=لاخلعتي هدمتك البسي ثوب الزفاف
قلبي لك حصنن منيع اضلعي دونك سيوف=بيّحي همّك ولفّي بجسمي التفاف
شمّا خطّي بالثرى واقري خطوط الكفوف=بلّغي الاقوام عنّي عن أيامٍ عجاف
بلغي محمد بعرّافتن جتني تحوف=منذرة سود الليالي لزومن أن نخاف
يامحمّد والله إنّا تحت عِبْس الحتوف=في يد الدهر البليد المنايا باصطفاف
العمايم تشتكي واللحى صارت تخوف=والجمال ودرهمت والرواعي باختلاف
يامحمد والوضع اسود ٍ ون شيف موف=فالعيون ولا ترى والعقول وبإختفاف
الاسد ماهو بسد والنمر شروى الخروف=غابتن فيها كؤوس الحمام الا تُداف
كم تسلمنا ظروفن وسلمنا ظروف=حقبتن قد عشتها من عدن لا خلف كاف
الليالي عاصية والوقت ماهو مْعسوف=اوحشن يوحش وحوشن حواشي ماتشاف
من تعلّق بالقصر عايشن وسط الكهوف=يوم وجهها سماوي يطوف ولا يطاف
خاضها ذاك البطل خاضها لعيونَ نوف=بنت ٍ أعلى الصّاريه جل منزل نون قاف
يامحمّد والهنوف البسوها ثوب صوف=بعد ما البسها البطل من حرير ٍ مايعاف
العواصف صرصرت مبتدا عصر ٍ عصوف=والليالي شاتيه طششت روس الخِراف
يامحمّد وش تشوف الوضع مافيه شوف=خاضعه من ماض الاوّل ونسقى من زعاف
واوجودي يامحمّد من يصف الصفوف=قلبها عند القدس والرّديفة بالحقاف
جيش ٍ مسربل بعز مازحوفه كالزحوف=منْه يرتج الفلا والبحور إليا جفاف
فيه أبناء الأوائل يؤمون الكنوف=ضربتن منهم تعدّل وجوه الانحراف !
لكن الدعوة تمنّي وحسرات ٍ بجوف=جوف شاعر ماهواه إلاّ سيّدة العفاف
العقل لامن فخت ماعلى زوغه حسوف=واهني تايه عقل مافهم فقه الخلاف
وش علاقات الكسوف يامحمد بالخسوف=لكْسفت شمس ٍ تلاها ثلاثين انخساف
الخسوف اتلى خسوف الخلوف اتلى خلوف=الخلايق غافية ماتبي منْك إعتراف
يامحمد والخلايق لكل منهم وصوف=وش لي بوصف الملا وآنا عايش إعتكاف
أسهر العالم على خمرة الشعر المنوف=ونا خمري من صناديق ليلي شرب حاف
أيّها البدر المضي ايّها الليل المخوف=من يساوي بن رِغال ٍ ببن عبدَ مناف
دفدفي يادفوف شمّا لراسي بالدفوف=يامحمّد ليتني خارج ٍ منْها كِفاف

ــــــــــــــــــــــــــــــ ــــــــــــــــــــــــــــــ ـ
القصيدة رقم (78)
شما

شمّا حييتي وهل لي عن فراقك ِ من مناص=حلَّ حينُ الركب شمّا صاعقاً قلب الرهيص
والذي ابعد ديار الجوف عن دار النّماص=ارتحلتي جسم وروحك بين جلدي والقميص
ادركتني عن هدوء ٍ موت قاف يوم لاص=اسعفتني في عبير ٍ منها يبري قريص
شمّا قد سحت القفار ندوف تشهد للمحاص=خالي مْن الانس ولست لمجلس الجن وحريص
ارقب سهيل ٍ واقول اليوم ذا يوم الخلاص=لا خلص ليل التّوجد يتبعه صبح ٍ نغيص
شمّا قلبي له حنين ٍ كن به الفين شاص=الهموم تسوج قلبي كنّ به زحمت خريص
يوم ٍ بْلياك شمّا كننّي تحت الرّصاص=والكنين ومن فراقك منفتل فتل العقيص
ويش قولك في فؤاد ٍ كان كنّه قلب هاص=انشوى وجد ٍ ووجد ٍ غير وجده حيصَ بيص
ماعليّ مْن الملام ولا عليّ مْن انتقاص=ويش يعني لا نقصت بشوف رجال ٍ نقيص
الهوى ماعذْرب اللي لا ضرب كفّه هراص=ون بدا كالشّمس يخفي نورها ايّة بصيص
ون رخصت بعين تافه بالبحر ما قيل غاص=ما رخص قرم ٍ لوجده غير من اصله رخيص
ذا ونا نسل الوليد الخالدي ما يوم حاص=لا يحوص ولا يلوص العن ابو خلفة غليص
فاتنة شعري يغيْدا اثمرت قافي خْلاص=عوّدي يفداك من لا كان بالخافي بخيص
علميهم ويش يعني للشعر اهل اختصاص=من يغطسون بعميقه فاهمين ٍ وش نغيص
الهوى لا ما يباع ولو على راسي قصاص=ذيب ٍ اقنب فوق مرقب والسلق تعوص عويص
شمّا حييتي وهل لي عن فراقك من مناص=حلّقي بي جو حرٍّ مابلغ جوّه شويص