يابنت وينك لي زمان اتحراك=كني من اللهفه على شوفتك قيس
ياغصن راوي ريحته كنه الراك=جاوز من الابداع كل المقاييس
ياعود جاوي ياعسل عند الاتراك=وياخزامى حن له راعي العيس
خالك وخلخالك وذوقك وحلياك= مالك شبه ياعطر لندن وباريس
الله كتبني لك ولي حب وداك=حكم القدر ماهيب فعل القرانيس
ياحب خالد ماقدرت اتحداك=سلمت لك روحي وكل الهواجيس
ماعاد افكر غير بك بين الافلاك=وان غبت عني صرت ضمن المناحيس
ارفق على القلب المولع من اقصاك=يكفيك حبي رغم كل التضاريس