و في ذاك المنزل الصغير فوق دحديرة بحى المرقب بالرياض و بعد منتصف الليل بقليل دخل اسبرنزا الى هذه الدنيا ،،( قد يبدو غريب إن أكون إنا الوحيد بين إخوتي و أخواتي الذي يولد في البيت و على يد جدتي (أم أبوي))
غرفة صغيره تقريبا 2.5×2.5 ، في شارع مصده ، امتداد شارع العطايف من الجنوب وليس في المرقب.
"مع إن أختي اللي اكبر مني انولدت في مستشفي" انولدت في بيت جدها لأمها..
"السيارة السوداء الكبيرة اللي كان يسوقها أبوي ، و أتذكر إني كنت و
إنا في عمر الأربع سنوات تقريباً إني كنت انظم حركة مرور السيارات النادرة في حارتنا ، و أتذكر كيف كان أبوي يربط في رجلي حبل طوله حدود العشرة متر عشان ما ابعد عن باب البيت مسافة كبيرة فأضيع كما كنت أضيع مراراً و تكراراً قبل كذا "
سيارة مرسيدس موديل قديم وسيدان ، وليست كبيرة ،
تنظيم حركة المرور كانت هي السبب في الحبل ، وكان عمرك لايتجاوز سنه ونصف ، لكن لما ذكر لك الأمر فيما بعد اعتقدت أنك تتذكره وأن عمرك 4 سنوات. فبناءا على كثرة حركتك تم استيراد حبل طوله 60- 100 متر .
حتى ما تروح وتنظم حركة السير ، وتدخل المسجد بحفاظتك..
"هو يوم انكسرت يدي اليسار بعد ما طحت من فوق غسالة الملابس في بيتنا"
طحت على زلفة صغيرة لباب المنور اللي فيه الغساله ، ومعها انكسرت يدك ، وبالطبع لم تستطع الدخول للغرفة المقصودة .
"يسرع احد الجيران وينادي على أبوي من أمام احد دكاكين الحارة ، يوصل أبوي و يشوف يدي المكسورة و يأخذني بأقصى سرعة إلي مستشفي الشميسي"
كان ابوك في العمل ولما رجع للبيت وما حصلك وعرف إنك عند جدتك ، اللي بيتها قدام بيتكم ، تغدى وعين من الرحمن خير ، وجاء لكم ، وشاف يدك إلا صايرة كنها مغرفة بلاستك منعفطه ، وخذك للمستشفى ، وبعد ليلة من المعانة في اقذر مستشفى ، رجعتوا للبيت ، وبعد اسبوع تبين إن التجبير خرطي ، فخذك لمجبر شعبي ، ونجح التجبير.
"ما فيه إلا إني اكسر يد الولد من جديد"
اصلا اليد ما جبرت وش لون يكسرها ، الجزء المكسور هو وحده من الجرايد الثنتين في الذراع ، وكانت من التجبير السابق ، يادوب طرف من اطرافها ملامس للطرف الآخر ، يعني كل ما احتاج إنه رفعك بيديك شوي
عن الأرض ، وانفصل الجزء اللاحم ، ياكثر نصبك ..
"و مدها فوق الموية اللي تغلي" والله لو إنه يبي يسلق دجاجه ،
كان لابد من وجود مويه دافيه وليست حاره لتساعد على تليين العضله ، ثم بدأ بتلمس مكان الكسر ليحدده بدقه ، ليضع عليه الجبيره .. قال ايه قام يهمز ذراعي ، لا يامردونا .. عندك شد عضلي ..
يتبع طالما هو قال يتبع ..