أشهدي لي ياروابي نجد
وتلاع الحجاز
إني بشر ماني حجر
لابدعة(ن) بالخلق
ولاقلبي حديد
لي نفس تشقى بالثمر
لامن ظهر
ثم ارتفع
أول ظهوره
عالي الغصن الخضر
في يوم عيد
والكل لابس له جديد
قالت سلام
قلت آآه واويلاه
من كلمة سلام
رد الخبر
هل أنت من أرض الحجاز
ولاأنت من نجد الوسيعة
ولاأنت زائر من بعيد
قالت عجبت بكشختي
ولاتناسق قامتي
ولاأختلف فيك النظر
أوفيه شبه أومشتبهه
أو أنت مغازل يوم عيد
قلت العفو ماهو بطبعي
ياحسين الطبع
ممشاي الحذر
بس أنت بك سحر(ن) عنيد
نظرت وقصيت الوريد
و(أنا بشر مقدر على غض النظر
والأرض أرض الله والشارع ممر)
قالت أكيد
قلت أشهدي لي
ياروابي نجد وتلاع الحجاز
إني بشر ماني حجر
وطبع البشر
يشده النوع الفريد
وأنتي جمعتي كل مايوصف
به الشيء الجميل
وفوقه كثر
شيء عجيب كل مانظرتك
بك جديد
ويرجع يزيد
قد(ن) يميد ومبسم وجيد
ولاالخصر اللي إن حصر
بين الردايف والصدر
لوأصبعين من العشر
ضمت على خصرك تزيد
وأنا بشر ماني حجر
واليوم عيد
وعيدك سعيد
أما أنا تشهد روابي نجد
وتلاع الحجاز
إني على خانة ضحايا الحب
مسجل شهيد