صديت عن قلـبٍ يعـزك ويغليـك
من بعد ما انت تدوره وين مـاراح
اكيد في دنياك مـن جـاء يسليـك
حتى تركته بيـن همـه والاتـراح
لو هو بكيفي كان ماجبت طاريـك
لكن شوق القلـب للقلـب فضـاح
ودي بشوفك لو للحظـه وحاكيـك
واقول خذني معـك يانورالاصبـاح
خذني معك لو طيف يتبع خطاويـك
يمكن تطفّي نار في القلب تجتـاح
وان كان في قلبك ولو بعض تشكيك
هذا نزيف القلـب بـالآه نضـاح
وان كان قلبـك مـال فالله يهنيـك
اقولها عن جد مـا نيـب مـزاح
همي تعيش السعد فالـه يخاويـك
من وين ما يممت تلقـاك الافـراح
وانا ولو عشت العنا دوم ارجيـك
في يوم ترجع لي فانا بعدك جـراح
صح لسااااااااانك يا عووود