[الخنساء]

المشاركة الأصلية كتبت بواسطة الطائر المهاجر

تميمي وفتخر باصلي ولاني بالفخر مغرور= ما دام إنّا كتبنا في الزمن آثار محفوره
لنا الماضي/لنا الحاضر/لنا مجدٍ يشعّ النور= تعلّى الشمس والقمرى فلا غطّت على نوره
فيوم الله خلق خلقه خلقنا ننجد المقهور = وسيفٍ للعدل يحكم بشرع الله ودستوره
ملكنا الأرض نحييها ونرفع للمعالي سور= وعبرنا بحورها والجو سبرنا سرّه وغوره
لنا في كل ميدانٍ شواهد والشهود حضور = حقيقة ثابته مثبوتةٍ بالأصل والصوره
الى من صاح صياح العرب ما ننتظر للدور= تقدمنا نقود الجيش حنّا صدره وزوره
ملينا الآرض تعداد الحجر والرمل دون قصور = وبنيناها تميميه على الأمجاد معموره
تعلّم مننا الحكمه وتظهر عزنا الممهور = على اشجارها وجبالها باقوال مأثوره
"إذا من التميمي غضب تغضب معه سبع بحور= تجاوب معه كل الخلق في لحظات مخطوره"
زلازيل وبراكين وحمم ما تعرف المحظور= تدمر من نواها قبل ما يضمر لها شروره
نشينا أحرار ما نخضع لغير اللي عطانا "الطور"= ونبي بالهدى اثنى علينا نستمع شوره
يتساوى الموت في عين التميمي لا شعر بالجور= حرار الطير ما ترضى القيود تموت مقهوره

صح لسانك ولاهنت
ابيات رااائعة
سلمت ودمت بخير