السلام عليكم ورحمة الله وبركاته
سلامي على العود الذي مايذوق النوم= يتابع نجوم الفن ويلف الاشنابي (فلاح)
وللي حضر مني تحيه سلوم القوم = خسر من يقول الدين من طبع الارهابي (فلاح)
حلقت الشنب لانه بهذا الزمن مذموم= مدام البعض باشناب ومن فوقها حجابي (الطائر)
تضيق الصدور الي من الغيض فيها سوم =وتقضي على اهل الفكر صولات زريابي (فلاح)
فكم حرمة اطلق من رجال وقت العوم= تجيب الذهب والرجل من دون اعرابي (الطائر)
مادامك تعرف الطبخ في قدرك المكتوم= فترى في البليله خير واحسن من الظابي (الطائر)
علامك تهاجم كل لحيه كما المهموم = وانا ماقصدت الا رضى عود متصابي (فلاح)
الا يالحطيئه جارنا يانقيس الثوم = وكبك من اللفات والريح الايهابي (فلاح)
واذا من بغيت الحل صعبه تراها دوم= عن رجال عشره شايله كل الاطنابي (الطائر)
ورى خشمك اشوفه مزنقع كخشم البوم = فقدت الامل وتصيح صيحات سنجابي (فلاح)
جبل صامد ماهزه الريح كالعيلوم= تحمل بصمت ولو حصل ما حصل نابي ( الطائر)
شوفك تهذري كنك اليوم كالمحموم= يبي لك مسكن يطفي النار بشهابي (الطائر)
ابافرمك واحطك على الصاج يامفروم = ولا انته بفارس انت ياعود نصابي (فلاح)
تمثل على اصحابك وتمدح بني خيشوم =وانا معْك ياعود الردى مثل خبابي (فلاح)
معي منك ريبه وانت تجخر من الخرطوم= وبيني وبينك ضاع غواص مكرابي (فلاح)
دجاجٍ مثلج من فرنسا عليه ختوم= وانا لا لقيت الحاشي ايسيّل لعابي (الطائر)
ترى ريبتك دلت على اصلك المجذوم= فلانتاب لا كردي ولا انته بعرابي (الطائر)
علامك علي تقلب وساعه كما المختوم= حريبا وتفكيرك معي مايجي ايجابي (فلاح)
لفى جدك الأول على حماره المصدوم= وبعد حج قال بمكة اعشق ترابي (الطائر)
كما قرد متفلي مع الصبح عقب النوم = على صخرتن صماء وريحك كماجرابي (فلاح)
وبعد مااتولدت القرد ارضعك بالمقسوم= فلا انتاب لا قرد ولا جحش عنابي (الطائر)
انا محمي المحماس باكويك بالمبروم= فلا يخدعك سنعوس في رفع الاذنابي (الطائر)
الا ردو ام اجنيب لاتاخذ المقسوم = وسط جحرها باسوق نيران وهضابي (فلاح)
قضبتك مع العلباء وابجزمك كالمجزوم= اذا حرف عله اخذه دوم بحسابي (الطائر)
وباعلم المعتوه وش قصة الزيزوم = واخلي دموع العين تنهل سكابي (فلاح)
نصحتك من اول قلت عن عذلكم باشوم= ولكن جدك علمك للتقلابي (فلاح)
تبي له لذيعه تطير الهم قبل النوم=واخليك تحلم مثل ضبٍ بمثعابي (الطائر)
واصدر بحقك امر عالي كما المرسوم= اذا شفتوا المنشار يضرب بمشعابي (الطائر)
انا باقبعك ياعود بالخشم والزلقوم = وبارميك من بحر الردى بالف مرزابي (فلاح)
اذا كنت تختور المعارف فانا صيروم= على روس الاعداء ينزل الجمر وحرابي (فلاح)
وبنسيك ماكلته بأمسك كما الزقوم= واخليك ما تدري بربعك والاحبابي (الطائر)
حطيئة زمانه ودي اغيره حلقوم = ولكن هذا العود عاصي ومتصابي (فلاح)
خلاص انت فارس مانت حاكم ولا محكوم = على موجة الغربي وطبطب بطبطابي(فلاح)
تبيني اطبطب لك على ذيلك المزعوم= ونا رجل مالي بهالمسايل ولا احابي (الطائر)
فدور على سنعوس هو يعرف المعلوم= يطبطب على كيفك فهو خوش نصابي (الطائر)
سعدنا على شات الفطاحل وشفنا السوم = وكلن على ماقيل له رب وهابي(فلاح)
سناعيس وافي طيب القلب لي مفهوم = كريم السجايا وانت ياعود عطابي(فلاح)