رميزان بن غشام التميمي من ال بوعلي
ممن تولوا امارة روضة سدير
توفي عام 1074هـ
من قصائده يرحمه الله
خير الليالـي لـذةٍ فـي سعودهـا=وصف المعالي كل شـي يكودهـا
خير الملا مـن فيـه عـز ورفعـة=يجود إلى قل اليـدا مـن جودهـا
ولا شن سوى التقوى إلى صار تقية=دون العدا لا قـل منهـا وفودهـا
ولا شن سوى التقوى إلى صار نعمة=الأجواد تستر عرضها من جودهـا
قلته ولي عيـنٍ عـن النـوم ربمـا=يحصل لها عن نومهـا مـا يذودهـا
يا جبر يـا راعـي أمـورٍ جليلـة=بها تتقي شجعانهـا فـي حيودهـا
العام توعدني على الراس يـا فتـى=راحت قلوبٍ راجفـات الهودهـا
لفاني ضحى يا ابن سيـار رسلـك=من الشعر مدحاتٍ تفجّع نشودهـا
بعض المعاني يابـن سيـار تركهـا=أخير لي من شقـوةٍ فـي حدودهـا
يا جبر تشكي الملح وأشكي رفاقـة=ظني عدمها خيرٍ لي مـن وجودهـا
بذرت الحساني بالحصانـي وغرنـي=مصافى الحصاني عن مصافى أسودهـا
كم بذرت كفّي بهم مـن صنيعـة=وكم بذرت جداننا فـي جدودهـا
وكم اشتكى منا المعـادي بفعلنـا=عليهم تعلوينا وهم مـن شهودهـا
وكم درعوا بأس الفتى فيه واتقـوا=نواهل بها عقب تعهـد صدودهـا
وكم دبّروا عنها وهي قد تلاحمـت=يبور حاكي خزنهـا عـن نفودهـا
وكم زلـةٍ يرفونهـا عنـد غيرنـا=إلى حدثوهم صوب من لا يرودهـا
نشب نـارٍ عـن ذراهـا و مثلهـا=الأجواد ما تجعل ذراهـا وقودهـا
وكم مجـرمٍ فينـا تركنـا لزلتـه=نحمله وكم يومٍ غممنـا حسودهـا
يفرح بنـا الأقصيـن منـا ويبقـى=للبذل جزليـن العطايـا وسودهـا
لي ديرةٍ يـا جبـر مابيّـة الحمـى=عن الضد بأطراف العوالي نذودهـا
في القيظ مجلاسي على برد منشـع=وإن جا الشتاء نارٍ تلظّى وقودهـا
ولك عندنا مقام ولك عندنـا بهـا=معايض الأشياء من خوالي قيودهـا
لـي ديـرةٍ بنخيلهـا مستظـلّـة=يشوق تقديـم النضـا كادودهـا
حكرنا لهـا وادي سديـر غصيبـة=بسيوفنا اللي مرهفـات حدودهـا
لا صدَّر اللامي والأجناب قلطـوا=على عيلمٍ بالقيظ يكثـر ورودهـا
جرى لنا في مفرق السيـل وقعـة=اللي حضرها مالـك الله يعودهـا
برجالٍ أمضى من ليـوث الشرايـع=سعيدية تشبـه ضراغـم أسودهـا
لا كن عوّيل العّجز بأسفل شعيبنـا=تقانب أسباعٍ مكمـلات عدودهـا
الأنجاس شبوها والأنـذال قبسهـم=والأجواد والمـال المنمّـا وقودهـا
لي ديرةٍ يا جبـر خضـراً مضلـه=يشوق منهـا غرسهـا واكدودهـا
يا طول ما قابلتهـا فـوق منشـع=محالهـا بالليـل يسهـر رقـودهـا
لا جا الشتاء تشرب صوافي سيولهـا=وبالقيظ من جم البطاحي برودهـا
حمّلتهـم حمـلٍ ثقـيـلٍ نقلـتـه=بالضيف مع جيرانها عـن نقودهـا
كله لعين اللي مـن النـاس عنسـا=حمر الشفايف ناقضـات جعودهـا
جداك فيها يا ابـن سيـار ديـرةٍ=هي شيخةٍ لو تتقى عـن حسودهـا
أقول لك في وادي حنيفـة مقّـرد=قـومٍ لهـا بيـن البرايـا ودودهـا
كما أنك في طرق المراجـل مجـرّب=وحسن الثنا بالحال من لا يكودهـا
والى ولـي يذعـن ذايـه الحمـى=لو ينقلب وادي الحنيفـي فهودهـا
يا حيسفا شـم العرانيـن خلفـوا=أراذل عميانٍ تبـي مـن يقودهـا
موت الفتى موتين موت مـن الفنـا=وموتٍ من اخلاف الذراري جدودها
ليت الذي حدر الثرى فوق الثـرى=-وليت الذي فوق الثرى في لحودهـا
من مات ما أرَّث في ذراريـه مثلـه=فهو مثل نار جـرّ عنهـا وقودهـا
فان عشت في الدنيا عني فأنـا لهـا=دما الضد بأيـامٍ تلافـا قصودهـا