الحمدان : يالطاير اللي مهاجر وين رايح ياطير = بالله طمن قلوب الناس قبل الوداع
الطائر : ماهو على كيفك فربك يقدر مايصير= كم واحد راح وعيون اهله تراع
الحمدان : وش السبايب عسى فالامر ياخوك خير = عسى التواصل مايحصل فيه اي انقطاع
الطائر : الموت لامن حضر ماله بكبيرٍ او صغير=يجي ويطويك مثلما يطوى الشراع
الحمدان : ياطير ربك بهالدنيا عليم وبصير = والموت ياخذ ضعيف الناس والا الشجاع
الطائر : دنياك هذي بتقدير اللطيف الخبير=واللي مقدر فلا يمنعه اي امتناع
الحمدان : الله يستر لياجانا الوداع الاخير = ويصبر النفس في يوم الرجا والنزاع
الطائر : لاتشغل النفس وخل اللي مقدر يسير= واعمل لدنياك واخرتك بعقلٍ واقتناع
الحمدان : يابعد عرر عن الباحه وسودة عسير = الفرق واضح ليا دققة بالاتساع
الطائر : الظاهر انك يئست ولا تبي لك نذير= كلٍ بها الدنيا يحس بضياع
الحمدان : بالله ابا اسئلك وش معنى اللقب ياخبير = وشلون لقبة نفسك ياحسين الطباع
الطائر : لاتلف موضوعنا خلك على دربه تسير= واللي مهاجر ترك وقته فلا به انتفاع
الحمدان : ياطير كانك ترفرف ناويٍ بالمطير = لبستك وجهك عن افجوج الصحاري قناع
الطائر : الطير جنحه طوال ولو تشوفه قصير= مسكنه فوق الجبال الشمخ مايوم ضاع
الحمدان : ياليت طيرك مع اطيور النشاما خشير = لكن يبغى العشا واصبح عشاً للسباع
الطائر : منته بطيري فهيم ولا انت اللي خبير= كم طير يفرس ولا هاب ذيب وضباع
الحمدان : العود وشبه تحوس صار وضعه خطير = يمكن طيره ماجاب اله العشاء يوم جاع
الطائر : الجوع في النفس لو تصبح غنيٍ امير= ونا بحمده عشايه خبزه فيها الشباع