وش لون اسولف يافهد صرت محتار=من همّنا صارت لنا عقول بلهاء
لو الهموم مرتبه قلت نختار=نبدى بها من الألف لاخر الياء
لكن سفينتنا تمادت ف.الإبحار=مركب شراعي والعواصيف هوجاء
يسوقها كومة( ربابين)1*وكثار=وكلن يمارس فلسفة شجب واقصاء
وارض السفينه خرقوها بحفار=كلن يبي يشرب من قريّب الماء
ماهمهم لو تغرق او تشتعل نار=الهم ياصل والجثث حوله اشلاء
ارض العراق الها تواريخ وآثار=مكتوبه بماء الذهب رسم واملاء
سود الوجيه ممثلة كل الادوار=عاثوا بها واستبدلو كل الاسماء
وان كان تشكي دمعة الطفل مدرار=او صورة اجساد(ن)على القاع شوهاء
فالحقّ ..نشكي ظلمة القهر...والعار=وضماير(ن)راحت بعد بيع وشراء
ونبكي بلاد(ن) صار بيدين سمسار=ونبكي شباب(ن) همهم زمر وغناء
ونبكي على مستقبل(ن) دونه غبار=امغبش(ن) والا الدرابيل عمياء
يالله طلبتك وانت عالم بالاسرار=العز والنصره لدينك والإحياء
1ـ جمع ربّان