يامرحبا واهلين ياشهر الاحسان=يالي قدومك خير في كل ديره
شهر التقى والبذل في كل ميدان=فيما تقدم والعصور الاخيره
شهر الهدى رحمه على كل الاوطان=خصوص من هم يسكنون الجزيره
يفرح به المسلم ويعلى به الشان=والنفس في رمضان تغدي قريره
الصوم للمومن من الذنب غفران=ماتاه عنه اهل العقول البصيره
يومه سياحة قلب وصيانة السان=والليل عيد وللتراويح خيره
يابخت من صامه وقامه بحسبان=وادى حقوق الله بصدق السريره
الصوم جنه فيه للروح سلوان =وقراية المصحف واحاديث سيره
فيه الدوى لقلوب فيها الهوى ران=عوده لرب البيت ودروب نيره
يالله تقبل صومنا وانت منان = واغفر كبائر ذنبنا والصغيره