ياطفله بوجهها نور الصباح = وايلا ضحكت تضحك ازهار الربيع
الجو تملاه بهجه وانشراح = وينام بعيونها الحمل الوديع
ان جت للأطفال اكثرهم مزاح = ومع جيلها حكمه وعقل ٍ بديع
فيها مع الحشمه سمو انفتاح = وفيها مع العفه فصاء ٍ وسيع
شقيه ٍ عذبه ٍ فيها ارتياح = لكن لها قلب خشّاع ٍ مطيع
بعيونها كل ايثار وسماح = وفي قلبها حب للعالم جميع
اليوم ترقد بغرفه بالجناح = وتسألني عيونها رد ٍ سريع
الحزن بعيونها اسدل وشاح = وانا لنظراتها ما أستطيــع
يالله اعني على كثر الجراح = ايلا اندمل جرح جاء جرح ٍ وسيع
يانور الايام ياذات الوشاح = الله له حكمة ٍ بأّيا صنيع
«®°·.¸.•°°·.¸¸.•°°·.¸.•°®»
ولكم تحياتي الخالصه
عبد الكريم العياش
«®°·.¸.•°°·.¸¸.•°°·.¸.•°®»