[عبدالكريم العياش]

المشاركة الأصلية كتبت بواسطة الطائر المهاجر

انا اللي ضاع عمره ما درى به= تنبه يوم حاصره التقاعد
يحسبنه اذا ما اخلص لداره = بتال العمر يلقى من يساند
ولكن خابت الهقوى بظنونه= فلا تقدير من قارب وباعد
ولو هو قبل يبقى في بلادٍ= درس فيها لقى له من يساعد
لأنه حب داره ويش ذنبه= لأجل الحب في العيشه يكابد
لأنه ما سرق يومه بسلطه= ولو تحته نهر بالمال راكد
يخاف الله وداره وسط قلبه= عليها يغار في مبداه صامد
يحسب الدار مثل الدار اول = واثاريها غدت ملعب لوافد
او اللي عارفٍ كيف يتسلق= بمسح الجوخ من بعد المناضد
تبيني من يدربي الراس مثله= ينفذ مثل عبدٍ ما يناشد
ونا حرٍ عزيز النفس راسي= لغير الله ماهو يوم ساجد
ولو عشت العناء افديها بروحي= ولا ارضى كلمة من بوق حاقد
ادافع عنّها في كل محفل = وفاخر وافتخر فيها واعاند
واقول بيوم تعرف كل مخلص= يبيها فوق مثل النجم صاعد
وتعرف كل مكّارٍ مخادع= ولو نافق فهو بالشر لابد
يحوش النار لقريصه اناني= وينهبها ولا هو يوم ناشد
واذا من كبر كرشه بعد مده= تشوفه من نعمها صار جاحد
مثل طابور خامس في سكاته= عليها مع عداها في تواعد
وما دامت بالنعم والخير ترفل= فهو معها على خيله يطارد
واذا من شافها في وضع آخر= رحل عنها وخاوى كل حاسد
ليكشف كل سترٍ ما تبين = وهو سر البلاء صادر ووارد
الا يادار كلمة عود راحل= ترى ماانتي رخيصه علم واكد
عيالك هم ذراك وكل هيبه= فشوفي حالهم من عين راصد
شبابٍ ما توظف كيف يحيا= ويبقى مع طوال الوقت صامد
يجيهم من يغسل المخ لحظه= ويغريهم بجزلات العوايد
يصيروا خنجرٍ في ظهر وامن= ويفرح فعلهم من كان حاقد
وبناتٍ مالقن اية وظيفه = عليهن خوف من اغراء فاسد
يتكسب من وراهن دون وازع= ويحرقهن مثل حرق الجرايد
وترى الوافد ولو اظهر مذله= حرمهم رزقهم عن قصد عامد
جماعاتٍ على نهبك تكاتف= تستر خلف من دوره يساند
ولو ترمي عليه ببعض طفسه= فهي تحشى لبلدها بكيل بارد
عيالك درع للحزات مطوي = فكوني نهر للأبناء رافد
تلاقيهم اذا مالليل عسعس= ومن يزرع ترى في يوم حاصد

الاخ الشاعر الكبير قدرا ومقدرة / الطائر المهاجر
والله والف نعم كفو كفو هذه مواقف ومباديء الرجال الكرام الأحرار
وهذا دور ورسالة الشاعر المحب لوطنه وحكامها وشعبها انت يامن
تسكنك الوطنية والطيبة حتى النخاع تقبل حبي الصادق ودعواتي
لك بطول العمر المقرون بالصحه والعافيه .
حقا رغم ان موضوع القصيده ليس عاطفيا الا انها كادت تبكيني لصدقها
وشفافيتها وصدعها بكلمة الحق .
رعاك الله وتقبل تقديري.