[عمر ال شيبي]

المشاركة الأصلية كتبت بواسطة مسلم عواد العميري

لو الرجال بوزنها وكبـر الاجسـام=كان استشرنا الطب بزيـادة الكيـل
ولوهي كما ظنيت ياطيـر الاعجـام=ماكان سبع البر سيطر علـى الفيـل
ولوهي كما صورت في فكر الاوهام=ماكان ذيب الليل يقضي على الحيـل
لكـن مـن فعلـه يقدمـه قــدّام=تلقى مقامـه فـي علـو الرجاجيـل
ان جاه ضيف الله قـدّم لـه انعـام=اللـي يوفـي واجبـه بالتكامـيـل
وان قلت له فزعه كما الشبل ضرغام=يسعى على حل الصعيبـات ويشيـل
ماكنكنت حاله وسـوّف لهـا ونـام=والا اوعدك واعطاك حلو التماثيـل
كم وضّحت سـود الليالـي والايـام=ناسٍ تـدس الشـر للخلـق وتميـل
كم تجري الانهار من شـرقٍ وشـام=واللي اشتهر منها على العالم النيـل
اليـوم لاتذكـر مواقيفـك الـعـام=ترى النجوم كثار والمعتلـي سهيـل
ماكل من يلبس على الـراس بسـام=يعد نفسـه مـن كبـار الفطاحيـل
لو الامور بوضـع صبغـه وهنـدام=كان العـذارى صاحبـات الاقاويـل
ناسٍ تدير الـراى باثبـات واحكـام=وناسٍ توجه ويـن ماصـار تطبيـل
من عقب ماكنتم على عيش وايـدام=يرد صاع الطيب صاعين من ويـل
انا صديقي كل مـن كبـر وصـام=ماني صديق اللي يسـوي البراميـل
من شاف ابونوره يوصّلـه الاعـلام=علـه يشاركنـي ويبـدي التعاليـل
بحكم ماقضيت انا وصاحبي اعـوام=لاشك يعرفنـي ويفهـم لـي القيـل

حجز واعود

صح لسانك