لك سقت من بيـن المعاليـق نـوّه=تمطر با ارضك ود وصلـن رغبنـاه
اما انبتت ارضـك زهـور الاخـوه=ولا اجدبت ,لو يمطر الوصـل يمنـاه
جيتك وصفـو الجـو باهـي بجـوه=من دون علمي ودون علمك نشقنـاه
حتـى تنفـس فـي الخلايـا زهـوه=واخضر موعد في الامانـي نطرنـاه
بين النظـر والبسمـه اللـي تفـوه=اجمل حديث(ن) في المحبه هرجنـاه
من دون كلمـه كـان يلفـظ سمـوه=وحنـا نتبـادل بالنظـر ماجنيـنـاه
حتـى التظـى وزداد جمـره حمـوه=وحـرارة الوجـدان دفء ومعانـاه
كلما خفت زدناه مـن وهـج ضـوه=ماينخـفـت الا لتشـعـل بقـايـاه
وحـل الفـراق اللـي علينـا تمـوه=بعد العصـر والوقـت ودع زوايـاه
كن الشمـس غابـت ببحـر الفتـوه=حتى انعكـس بوجيهنـا ماشهدنـاه
نتلفـظ العبـرات مـن دون يـوووه=ولو قيل يوووه فاض بالدمـع عينـاه
وش حدنـا عالحـب حتـى نتشـوه=لانشهـد ان الحـب كلـه مــوالاه
ثـم افترقنـا وبرعـم الحـب تـوه=تـوه بعهـده والمفـارق كرهـنـاه
والحـب طفـل وفارقتـه الابــوه=وشلون لو فـارق مـن الام دنيـاااه
طفل المحبـه مـن تسبـب بـذووه=من كان منا ,يـوم نحنـا هجرنـاه؟؟
منهو السبب؟؟ من كان فيه المرووه!!=حتى يعـذب قلـب الآخـر بفرقـاه
مهمـا نكابـر مابنـوصـل عـلـوه=وماظـن نبلـغ قـد محنـا بلغـنـاه
وياجرح مابعدك سـوى قـول اوووه=تشرح معاني في الهوى جـرت الآه
ونا اشهد انـك حيـل مافيـك قـوه=كلك ليونه بس, تهـزم لـك ارمـاه
قد سقت مـن بيـن المعاليـق نـوه=تهمي با ارضك علها ترتشف مـاه