أمانه يا طيور مسافراتي = لبلدان الحبايب والغناتي
توصلي مراسيل المحبة = لمحبوبٍ دفني بالحياتي
يعذربني بتقصيري وهجري = وعذروب الحبيب اطيب حلاتي
بعيد ولا رحمني في وصاله = بعيد وشوفته كل المناتي
عليك الله يا هاجر ضلوعي = ملكت القلب مع روحي وذاتي
ورود الدار ذابحها غيابك = وانا بعدك قريبٍ للمماتي
وكاد الجرح مايبريه غيرك = وكاد إنك طبيبي والشفاتي
دخيل الله ترجع لي حبيبي = واشوفك والعيون الناعساتي
عديل الروح قلبي صار خالي = وخلاني غيابك في شتاتي
متى ترجع أمانه لا تطول = ترى مقدر على بعدك حياتي
علامك لا ترد ولا تجاوب = مراسيلٍ توضح لك عناتي
بديع الوصف مالك من سبايب = وبعدك يا غلا ماله دعاتي