أوعـا يغشّك ضُلّ الشجـرة
دي ضُلّها نابِع من يحمــوم
هـي جاعت وأكلت حتى ثِمــارها
بقت تدّشــه .. يجينــا سمــوم
ولغفت ، بلعت بعض جذورها
وكشفت وشّها .. بس بعشــوم
أوعا يغشّك ضٌلها ترقد
وتحلم لحظة في يوم حا تنوم
دي يومي بترمي عليك أوراقهـا
تزيدك غم.. تملاكا هموم
دي شجرة عجيبة..
بتجرح زورك والحلقوم
كل أغصانها وكل فروعها دوام تترآى
كحبل إمتدَّ عشان ما يشنق
كل إنسان قدامها بحــوم
ياخي دي شجرة فريدة في نوعها
كم مرات غشّتنا دموعها
وكونو نعود في يوم نتغشّه
أسهل منو تقوم هي براها
وتلحس كوعها