[داعي الشوق]

هذه المحاورة بيني وبين الشاعر الكبير / بدر الحافي

جرت في اتصال خاص في الايام الماضيه ،

أنقلها لكم مع التحية و التقدير ،



بدر الحافي :

يصيح بيت الله من الظلم يا سعود=ويصيح معه من اليتاما ملايين
وين الرجال الي لدين الله جنود=وين العيال الي تحرر فلسطين

سعود :

أهلاً هلا باللي نظم بيت مشدود = يا مرحبا حييت يا بن السلاطين
ترا العرب حكامهم صكوا حدود = و البعض يم الغرب صاروا موالين

بدر الحافي :

يفور دمي غصب ياراعي الجود=لا شفت عذرا دمعها يغرق العين
معبر رفح له عام يا سعود مسدود=غزة سجن والشعب كله مساجين

سعود :

لا تحرق أعصابك ولا تحترق زود = حنا على المكتوب يا بدر ماشين
شكواك لله و ارتجي رب معبود = العالم الوهاب رب المسلمين

بدر :

حكم القدر لو كان ماهوب مردود=ماهو عذر لا وصلت العرض والدين
صرنا مع االعالم دروايش وهنود=مثل البهايم في يدين الشياطين

سعود :

ان كان لك قلبٍ مثل قلب نمرود = وتـقـول أنا سيفٍ على اللي معادين
أنا خويّـك دام ابو سعود موجود = حنا هل الفزعات بنروح ذلحين

بدر الحافي :

والله لو ان الدرب واضح ومجرود=اني لا اصلي فيه وانته على يمين
وتشوف بنيامين فالارض ممدود=وان قام اوباما قلت للعبد اشششيييننن