هل الشهر واقبلت به سعد ليامي= من سعدها بالشهر هنت لياليها
شهر كريم خير شهر بالعوامي=هدية الرحمن من فضل واليها
واللي توفق بالشهر ياعلي صامي=واقبل علي روحه ونفسه يزكيها
واستغفر الله وقلبه م الحزن دامي= علي اذنوب عارف انه مسويها
والله كريم يغفر الذنب لو طامي= والله كريم اذا استغفرت يمحيها
والله ع بير الرجاء مايقطع الضامي= مادام في بير الرجاء دلوه مدليها
ارفع اكفوف الرجاء والناس نيامي= وخل المحاجر يهل الدمع جاريها
واسأل ونادي وقل يارب لانامي=ياخالقن روحي ونفسي وباريها
ذنبي بلاني وحوض الموت قدامي=ونفسي جهوله والشيطان يغويها
اغفر اذنوبي وامحو عني اثامي=وجمل خواتيم نفسي في تواليها