بسم الله الرحمن الرحيم
هذي( عيديه) للشاعر محمد بن عمار ... ؟
اتمنى تعجبكم
ضو القمر يشعل فتيل المحبه
ويَجمَع.. قلوب(ن)..ابعدتها.. المسافات
والليل .. للعاشق .. دواء(ن)له.. وطبه
يسامر نجوم(ن)..تواسيه بسكات
ولا .. من تذكر (قلبه )..؟ الي .. يحبه
هاضت شجونه والقريحه .. بأبيات
ياهاجسي.. اقدح.. خفوقي .. وشبه
للغايب الي ذكره (اليوم ).. مامات
غرو(ن)صغير السن سبحان .. ربه
للزين.. به آيه.. وللحسن..آيات
مالوم شعر(ن) هام به .. وأنكتب به
وما لوم عين(ن) هلت اليوم عبرات
ليت الهبوب الي من أول .. يهبه
يجثم على صدر(ن) بَرَاهـ .. التنهات
وليت المواصل بين قلبي .. وقلبه
ما هو رسايل بالبريد .. أو مسجات
حال المفارق .. لابتعد عن .. مربه
كنه سجين(ن) بين دمعه وضيقات
وكن الهجوس الي تجي دون سبه
مثل السحابه تنجلي بعد لحظات