القاف جاني
القاف جاني في قصيدي على الطا
والشعر يكتب بين لحظات وجنون
في عالمي سار القلم في الموطا
واشعل فتيل(ن) داخل القلب مدفون
شفته وهو عنّي من الشوق ابطا
كل مالمحته جتني احزان مغبون
ياللي خذيتي القلب منّي ولا اعطا
غير الهوى اللي صدرحكم مسجون
والله عجيبه هالغــــزال المسّطا
اللي على عنا قلبي وانا فيه مفتون
(قبله) (وملح)ومشيته لاتبطا
بالهون ياللي تتعب القلب بالهون
والا الشعر منثور لامن تشطا
لاداعبت كل الجدايل على متون
والمبسم اللي ارسمه لاتمطا
كل ماضحك ياوجد حالي على النون
واللي برز في وسط صدره وخطا
خط(ن) بدالي كنه بسطر موزون
والعين فيها من الهدب لو تغطا
لاقام يرسل بالنظر حّدة عيون
والخصر هذا ينقله او يحــطا
كل ماتثنّى من حلاها يهزّون
وانا على جمر الغضى كنت ابوطا
لاكن داعاني صوت ناس(ن) يصلوّن
وانا اعتبر وصفي لها ماتخطا
اما على الانفاس والاعلى لحون
شعر /ماجد بن راشد الهيري