مـا كـل مــن يضـحـك بدنـيـاه مـسـرور=لــو ضـحكـتـه دايــم تــحـرك حـجـاجـه
ومـا كـل مـن يبكـي مـن النـاس مقـهـور=بعـــض الدموع رخاص من شان حاجه
وما كــل صــــادق لو حكا لك من شعور=يـا كثـر مــن زيــف المشـاعـر خـراجـه
ومـا كـل مـا يخـفـا مــن الـسـر مسـتـور=بعض الوجيه ابين من ارهف زجاجــــه
ومــا كــل بـيـت بـابـه انـصـك مهـجـور=كـم بيـت اطفـا الشـح واهـج ســــراجـه
ومــا كـــل ورد تـزرعــه يـنـثـر عـطــور=لــو مــاه صـافــي مـــا يـخـالـط هـمـاجـه
وما كل مرهــــف قلـب لـو يـــزرع زهـور=قـلـب يـحـــب الـــورد وجـــواه صـاجــه
وما كــل مــن يخطـي مـن النـاس معـذور=البـعـض يـخـطـي مـــن عـلــوم الـعـواجـه
وما كــل مــــن يسكت على الظيم مجبـور=لــــجـل الـغـلا سـاكـت ويـدعـي انفـراجـه
ومـا كـــــل راس ضـيـع الفـــكـر مسـحـور=كــــــم راس الــحــب جــــاب ارتـجـاجــه
ومــا كــــل عــــلـه فـادهـا طــب دكـتــور=كــم مــن علـيـل وصــل خـلـه عــــلاجـه
وما كــل مـــن شاور حــــكيم خذا الشـور=بـعــض الـبـشـر مـــا يـقـنـع الا مــزاجــه
وما كـــل مــن سمـي صقـر يشبـه صقـور=كـــم مـــن صقر وقــــت الشدايـد دجاجـه
ومــا كــل فــــزاع لـجـل مـــدح مـشـكـور=الـبـعــض مـرجـلـتـه وســامــه وتــاجــه
لزميلنا بالفطاحله / مشعل الشايقي