ارحب يابو عبدالله
جوابا على سؤالك الكريم
تفضل وعسى ان اكون اجبتك
الحورلاسلّ سيف العشق جرحه دامي= لاتسل عن جرح فيني سِبته حوريه
ارسلت سهم الغرام وساقته باحكامي = والمشاعر جاوبت للبسمه العذريه
مثل عود الخيزران اليا التوى والتامي= زارني منها الهوى باللمسه السحريه
هبة النسمه تهزّ اردافها قدامي = من بنات العز ماهي راقصه مصريه
الحياء فيها وفيها للغرام اقدامي = لابسه ثوب الجمال بموضةٍ عصريه
قلت مين انتي بربك لاتكوني احلامي= قالت آنا الحسن والعشاق بي مبريه
من عيوني يشرب العالم وما ينلامي= ريقي احلى من العسل ومواردي نهريه
كم من العشاق قبلك يلثمون اقدامي = لكن انت الي هويتك بينهم جهريه
انت عاشق مايغرك صيحة الاقلامي= والهوى عندك حقيقي كنه الفجريه
قلت هذا وصف ماسنوه بالاعلامي= قالت اصبر وانتضرني اليوم بالظهريه
انتظر واعلمك سري في الاوجامي = والقطيف وفي الحساء تلقاني الماريه
بالخبر تلقى جمالي يبهر الرسامي = شوفني الدمام ماحلى موجتي البحريه
راس تنوره انا اما الجبيل انغامي = والجوى من عين تاروت استوى قهريه
دوكني الظهران ماتحتار بين ارقامي= وان وصلت ابقيق تلقاني بها مطريه
من غرامي مايعل الا الخفوق الضامي=الشواطي ساحره في حزّة العصريه
هي عروس الفكرهي نبضي وسرالهامي= الربيع اربيعها والنسمه العطريه