عرض مشاركة واحدة
قديم 03-11-2019, 11:55 AM   رقم المشاركة : 1
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي ما خلقني الاهي من صنوف العبيد


ما خلقني الاهي من صنوف العبيد= ولا خلقني ادور شرهةٍ عند سيد
ولا خلقني ابوس كتوف حتى اصير= ثوب يلبس ويفصخ بعد وقتٍ زهيد
ولا خلقني ادربي الراس مثل الطبول= كودي احظى بمكسب بالمدح والقصيد
ولا خلقني اساير وقت فيه الفساد=الحرامي غدا به شيخ رأيه سديد
الله اللي خلقني حر مانيب قين= ما حنيت الظهر الا لربٍ وحيد
رافع الراس ماني من يدور فتات=عزتي راس مالي غيرها ما اريد
قانع برزق ربي ما ادور سواه= لو اعاني بزماني صامدٍ كالحديد
في زمان التسلق بالكذب والنفاق= ياصل الطبل واللي جاهلٍ او بليد
لين شفنا الحصاني بالنعم متخمات = والذيابه جواعى ما لقت ما يفيد
وكل حر ضميره حي محدٍ يبيه= ولو يطبّل ويمدح زاد سعره اكيد
ولو تكلم بكلمة حق مامن قبول = وان سكت مات قهرٍ مالقى له عضيد
كل واحد لنفسه دام اناني حقير = لو سرق او نهب من اجل زود الرصيد
المبادي تلاشت في زمان الفلوس= لين شفنا انحدار وننتظر للمزيد
هذا سر التردي في حوال العرب = وكيف صاروا ضعافٍ ما يردوا ضديد
جهدهم ضد بعض بالقتل والسباب= يخدمون المعادي مابهم من رشيد
ياخذ الأرض والثروات ببلا قتال= ويتحكم بهم فيما اشتهاه و يريد
اي امه يسود بها الجهل والفساد = عمرها ما تقدم نحو عصر مجيد
وامةٍ ما تصنّع سلاحها والعتاد = وتشتري ما تريده من ردي الحديد
ما ترد المعادي لا غزا بلادها =وحوّل الشعب والحكّام عنده عبيد






توقيع الطائر المهاجر
 
تفاعلك مع غيرك يشجعهم على التفاعل معك
  رد مع اقتباس