[ابراهيم عبدالحميد]

المشاركة الأصلية كتبت بواسطة حسن سيد

[foq]

دا حزب فاضى بيروقراطى = فى الاحزاب مالهش مثيل
عاوز كل الشعب يطاطى = ويجرجرها كدا على الواطى
واللى حايرفع راسه تطير=
الحزب له سياسة معهودة = رسمها بعد تعب وعذاب
قبل الانتخابات يعمل = حاجات حقيقى ما نيش كداب
والشغل دا خد منه كتير=
يمسك ايدك ويبوسها = صوتك معانا يابو فلان
ويجيبلك طفله تبوسها = بابا دا طيب غلبان
برغم انه مفش كبير=
البطة تيجى وتقولك = بصوت ساحر كله حنان
تتخدر اعصاب جسمك = من ضحكة فرط الرمان
حاجات كدا زى الفوازير=
تلقى صاحبنا قوام اتسطل = على اللجنة ماشى تمام على طول
كأنه واكل فحل بصل = وحزمة فجل وطبقين فول
والعقل منه ما فيش تفكير=
يرجع خطوة بالذكرى = وخاف تصيبهم حاجة عارضة
جت بلده الغالية على = تفر من عينه دمعه
على باله تخطرله الفكرة = ابنه اللى قتلوه فى الجامعة
حسرة قلبى عليك ياسمير=
وبقيت زمايلة المعتقلين = فى سجن تيتى والعنكب
فى السجن ياما كتير مظالم = والجن ما يعرف يهرب
حتى الهوا محبوس واسير=
الفكر شارد منه وتاه = من اللى حصله وجرى له
وصل قلم حنى له قفاه = ضابط هدية بعتها له
هدية كانت حجم كبير=
سلم وفكر فى عياله باله = صرخ وقال انا معارضة

حسن سيد

نص لاذع و قوى يذكرنى بأحمد فؤاد نجم و صلاح جاهين
و مدرسه تضحكنا و تبكينا فى آن واحد فلا تبخل علينا أخى
بمثل هذه الرائعه و أسلوبها المنفرد المتميز

دمتو سلمت و غنمت