عند العرب كلش يباع ويشترى= اسواق حره جامعه كل الورى
كل البضايع سعرها فوق العنان= الا بني آدم فسعره دحدرا
محدٍ يبيه ان كان حر اوشريف= ولا صارعبد وخادم له من شرى
احد يبع الدين من اجل الفلوس=يحلل اللي حرمه وقت سرى
وتاجر مخدر نافذ ببعض الديار= موزعه واصل الى اقصى القرى
يمكن مؤهّل ما لقى له من شغل = عاطل ولا احدٍ عنه في يومٍ درى
وهذي مع التغريب زادت انفتاح= بنت الحموله بانفتاحٍ تغدرا
اموج تغريبٍ تشجع للفساد= معها غدا كلٍ يدور للثرا
مدخل لمستعمر ولا من ينتيه=باسم الحضاره ننجرف ما نحذرا
مخطط لصهيون في ارض العرب= ضرب المبادي والقيم بالأخضرا(1)
يسهل عليهم سرق ثروات الشعوب= والسيطره في كل ركنٍ يعمرا
(1) الأخضرا= الدولار