[ناصر البركاني]

السلام عليكم ،نطمع في نقدكم::
ياقلب ياللي كنت ما تعرف الحب
ومن قبل لاهي ماجرى لك عذابه
واليوم ناره في زواياك تشتب
وانشب على الجدران سيفه ونابه
وشلون طعمه عقب منته مجرب
عساه ما قهواك علقم شرابه ؟
قال :
إن كان تنشدني عن الوضع فالقرب
قلبك من المعشوق يفقد صوابه
يتيه بين العين و الجفن و الهدب
سواة ورعن تاه في وسط غابه
وليا ذكر فرقاه يحزن و يتعب
ويمر يومه مثل مر السحابه
وإن حال دونه بعد يامعظم الكرب!
مثل السجين إليا انحكم غلق بابه
لا نوم يهنا به ولا يروق له جنب
لو صاح محدن ياوليفي درا به
الحب حله صعب ما ينفعه طب
والمشكلة ما تستطيع اجتنابه
دايم ودرب أهل الهواجيس تقضب
ما له مدى والشوك يملا ترابه