[الطائر المهاجر]

يبدو ان الصديق العزيز بعد قراءة القصيدة السابقة
تـعـانـدنــي وتـقـهـرنــي تـــقـــول إنّــــــي مــزاجــيّــه
http://www.fthilah.com/showthread.php?t=12547
التي حاولت فيها ترجمة احاسيسه ومشاعره لم يقتنع بها ، فأضاف معلومات جديدة ، وطلب مني المحاولة مرة اخرى ، فلعلي هذه المرة انجح في المهمة .

يقولون البلاوي لا نصت مؤمن فهو تكفير= واقول ان البلاوي من عقوبات إلهيّه
فربّ البيت ما يهمل ولو يمهل بلا تأخير = ينبه من ظلم بامراض تستعصي المداويّه
ويمكن ياخذ احبابٍ لهم في دنيته تأثير= يحس النار في قلبه ولا شن يطفي الكيه
وفي اخراه يتحاسب فلا جاهٍ ولا تقدير= يغيّر حكم رب الكون في من اتبع غيّه
تنبه صاحبي ماجاك غير انذار او تحذير= تجاوزت الحدود بظلم قلبٍ صادق النيّه
طوال العمر مخلص لك ولا منّه حدث تقصير= فليش اللؤم في حقه تجازي الطيب بالسيّه
نسيت اش كنت من قبله تبي توضيح بالتذكير= فراجع بعض تاريخك ترى مفهوم وش طيّه
عطيتك ظل من وهج الجحيم وماضي التحقير= وشلتك فوق اهداب العيون وقلت محميه
ولما انجبر عظمك نسيت الكسر والتجبير = لدغت القلب في غفله بسمٍ تنفثه حيّه
تحسبنه على زعمك يبي يخضع مع التخدير= ولكن سمك الواهي تلاشى وانحسر فيّه
الا يا جاهل الشيهان قدّر واحسن التدبير= حرار الطير ما ترضى تعيش بنصف حريه