في انتخابات المجلس البلدي ليتم التأثير على الناخبين ؟؟ تدور حرب نفسيه بين المتنافسين نتج عنه ان
قام احد اوالوشاة برد خبر من شخص معروف لي مفاده ان منصورالوذين ليس من ال مره ولم اسمع عن عائلته مما اضطرني الىابلاغ الواشي ان يعطيه هذه الهديه الجزله التي تخبره من انا :-
ياهيه ياللي تجيب العلم وترده = انالي اصول في ال مره واعددها
انا وذيني الا كل ذكر جده = حنيتمي اصل والعزوه ارددها
انا بحيحي الى ذكرو اهل الرده = عادات لجدودنا واحنا نجددها
بشري واوقف العائل على حده = وسعيد وياشبيب كيف بجحدها
والجد الاقصى بمره راعي الهده = والعود يام وقحطان بمـاجدها
والعود ينبت مكانه عود من بده = وكل القبايل لها افعال تفندها
والنفس لذكر الأصل ماهي بمحتده = لاكن به انفوس تبغي من يهجدها
وكل تفصل اثياب له على قده = والناس متهاب الا من تأسدها
يمكن اذا ولعت ثم جات منهده = ومعاد ينفع منامه في برايـدها
ويلقا من الناس من للشين يحتده = ويقول انت المشاكل وانت هايدها
ويبحث عن اللي اصوله تلحقه عده = ويستغفر لزلته ماهو بعايدها
ياتي ويبشر وراعي الشين نحتده = والناس للناس والعليا لاماجدها
الله يديم السلام ويطول المده = ويخلي الناس تهنى في مراقـدها
ويديم لنا ذا الرخا والحال مستده = يضفي علينا الشريعه وعز رايدها