عزي لشاعر اجبرنه ظروفه = يبيع شعره شان ياكل ويعتاش
لعبوا عليه القوم مافاد شوفه = حتى خذوه ابلا عناد ولا هواش
قالوا نبي نعطيك مابك حسوفه= عطوه طفسه عقبها صار ينداش
زاد الطلب في البيت ما من مروفه= في ظنهم مقرش وللكنز حواش
وجوه الجماعه قبل تاصل ضيوفه = كل يبي رزقه من البيه بكاش
ومن شان يتمشيخ ولا احد يعوفه= صار يتدين والرهن صك لعشاش
وشرى له الكشخه وجيبٍ يحوفه = وقام يترزز في الملاعب على اللاش
قدمه ذيابه ما دروا عن حروفه = دامه بليا "واو" ما طاله فلاش
فكر وقدر بين ياسه وخوفه = وفي الاخره بالليل للبر ينحاش