[الطائر المهاجر]

رياح الشوق سوقي شوق روحي = لروح اللي سباني بالغراما
وهلي وامطري من عذب بوحي= مخاييل التحية والسلاما
على من راح خلاّني بروحي = يتيم وانفطم قبل الفطاما
الى من شاف له زولٍ يلوحي = ركض يمّه ونادى له ياماما
صباح الخير يالوجه الصبوحي= صباح الورد وانفاس الخزاما
صباح الفل والنرجس يفوحي = مع النسمات باشواق الهياما
تركتيني تخاويني جروحي = اراقب حالتي زادت سقاما
اساهر ليلي المعتم وانوحي = بعبراتٍ على خدّي تهاما
طموحي انتِ ياغاية طموحي = غيابك طال يابدر التماما
كتبت اسمك على قلبٍ نصوحي= يحبك صدق ما يخشى الملاما
سكنتِ القلب واعليت الصروحي = وعطاك العهد واوفى بالذماما
ولا فكّر بغيرك في وضوحي = على شانك هجر كل الأناما
لغيرك ما يبي يسمع ويوحي = بمحرابك صلاته والقياما
يبي رجعتك يالوجه السموحي = تعالج ما بقى به من حطاما