من الصعب الحديث في عجالة عن واحدة من اكبر وأقدم القبائل العربية الأصيلة والتي يمتد ناريخ تواجدها
إلى ايام عيسى بن مريم عليه السلام ، وحاليا تغطي مساحات شاعة من الأرض تمتد من الهند وافغانستان وباكستان شرقا وحتى المحيط الأطلسي غربا ومن اواسط آسيا وحتى اواسط افريقيا وبشكل متقطع في اوروبا
وامريكا الشمالية والجنوبية واستراليا ، في هذه القصيدة حاولت جاهدا أن اعطي فكرة عن بيوت تميم:
الشكر لك لله رحمنٍ رحيم = منشي الإنسان باحواله عليم
من وضعت العزّ والفخر بتميم= في جديد الوقت والاّ من قديم
كاسبين المجد والصيت العظيم= لين صاروا كالبدر بين النجوم
شمسهم ما يوم غطاها السحاب= وفعلهم معروف في كل الرحاب
رافعين الراس بالسمر القضاب= وفي زمان السلم في علم الكتاب
بحرهم لامن هدر فاحسب حساب= يضرب اعصاره قبل يعلن قدوم
من سلالة فارسٍ قاد الجيوش= وانتصر للعرْب من كل العروش
ولو على عهده ظهر بوش بن بوش= رجّعه بالباخره ضمن النعوش
ولا غدينا في يدينه كالكبوش= يفعل اللي ما يبي ماله خصوم
في تميم المجد حنا اربعه= من بيوت العز مجده نرفعه
الكرم بالحضن حنا نرضعه= لو نجوع الضيف واجب نشبعه
والشهامه زرعنا اللي نزرعه= بكل طفل وللحميّه نصنعه
والشجاعه مهره اللي يدفعه= لاكبر واقبل يبي بنت العموم
اربعة اركان مافيها عياب= "آل سعد" و"عمرو" مع ركن "الرباب"
وحنظله جدّي وفخري مايهاب = ساس كل المجد واضح كالشهاب
امةٌ شادت لنا المجد العجاب= فانعمي بالعز لا تخشي هموم
حنظله منّه تحدّر وانحدر= عشره إلاّ اثنين من خير البشر
"مالك" و"يربوع" وسمٍ في حجر= او"ربيعه" و"البراجم" بالحصر
امةٌ تمتد في عمق الدهر = كالبحر في المدّ ماهوب محكوم
ومنك يا مالك وصل جدّ الجدود= "مشرّفٍ" بالعزّ خفّاق البنود
من يقود الجيش ماهو بالمقود= والد الشجعان صيّاد الفهود
اربعة فرسان اعطوا للوجود= قيمته بالفعل في وقت اللزوم
"يوسفٍ" و "بريد"و "مْحيوس" بعد= و"المغامس" كالعمود وكالوتد
اخوةٍ احفادهم فوق العدد= غير في الشدات تلقاهم جسد
بحر فيه الدر ما ينفد أبد = هم نجوم الفخر في كل العلوم
هم هل الطولات في دين وسياسه= من وضع للحكم عمدانه وساسه
بدولةٍ قامت على الدين ابكياسه= دولة آل سعود حراس القداسه
شيخنا ويّا الإمام وعزّ ناسه= شيّدوا صرحٍ على العزّه يدوم
افتخر إنّي تميمي بالأصول= وافتخر بالمملكه في كل قول
وافتخر في ديرتي دار الفحول= "الحريّق" من جبلها للسهول
منبع الأمجاد في كل الفعول= فالأثر باقي على كل الرجوم
أنعمي يادار بالخير العميم= وارتكي حنا رجالك من تميم
لا تحركنا بحر موجه لطيم = تسمعه يهدر جحيمٍ في جحيم
فالشجاعه نبضنا ويل الغريم= وشمسنا ما يوم غطتها الغيوم
والكثير من شعراء تميم في الماضي والحاضر سطروا ملاحم عن هذه القبيلة العريقة
منهم شاعر تميم عبدالله بن صقيه امده الله بالصحة والعافية وأطال في عمره .
والجميع يعرف في القديم الفرزدق وجرير وغيرهم من الشعراء الكبار المعروفين.