الفاضل المشرف العام.....................
سأستعير قصيدة لي لاتفي بالقدر ولكني حاولت ان أحدد بعض المعالم الجغرافيه للحريق
هي ديرتي واحبها دايم الدوم= جعل السحايب ما تفارق مداها
ياعل هتاف المطر ديم وجغوم= يسقي ثراها ثم يزهر نمـاها
يلقى بها الطرقي مظيفه ومحشوم=واللي يبي المكشات يدخل حماها
في وادي من شرقها طويق مزموم=وفي غربهاحيد يعانق سماها
وشمال واديها وشعبان وحزوم=وجنوبها حد القصب منتهاها
ولها معالم بينات ولهارسوم= دلا يل ينشد بهامن بغاها
شمالها الشرقي بسرحان موسوم=وجنوبها الغربي الثنية حداها
والسقطتين بشرقهادرب معلوم =ومويثبه واباالسروج اقتفاها
ومن بعدها المضباعه بنجم مدموم= وصارت مغاره بالجبل واحتواها
ومحالة آبا غار غرب على الدوم=عقبه شعيب باسم غاله ورآها
وخشم الحصان يعد واحد من خشوم=مع خشم ابالهيال مااحد رقاها
اذكر اماكنها ولانيب مليوم=هي ديرتي واحب نسمة هواها
أبو أنس