قم يا سعد وأركب على كور عانس=جليلة مثاني يعجب العين شوفا
من ساس هجنٍ شامخ الناب بازل=دانت حلاياها وتمت وصوفا
زينة مواري ما بعد شاخ سنها=على أول بتاسع عام واقف عسوفا
ما ساقها الحادي مع فجة الضحى=ولا البادي المقبل قبض من iiخلوفا
بزيت وبازيها طوالٍ إحيالها=بقطع الفيافي والتنايف تنوفا
إلى صار له لازم ومبلغ رساله=طوالٍ وملزومٍ يبلغ أحروفا
يجعل على كدّها فوق شدّها=يقطّب كلايفها ولازم يحوفا

دع الشرح وإسرح لاتجي فيك ريبه=بـأول نـهارك مـع قطيفك تطوفا
إلـى بـاردت لاهي مع الظل جافل=أيــاك تـكلفها وتـرفع iiأخـفوفا
وأسري ترى المسرى يجي فيه راحة=تـحـمد عـواقبها ويَـمّنْك خـوفا
وإبـتل بسيرك يا فتى الجود وإسمع=مـمساك بـأم حـويض لازم تلوفا
مـصباحك الـمقطع مع النور طالع=مـدهال سـاعيها ومـجلب صنوفا
وأصـلب بـسيرك يـم دارٍ تـدلها=قـيّـل مـكينسها وتـفهق طـفوفا
روّح تـجي ربـعك بـوقت وسفيره=قـبل الـغروب وقـبل حروة أحفوفا
مـنصاك ربعي خصهم دون غيرهم=وإطـرح كـلايفها وريّـح كـلوفا
بـجوارهم تـلقى مـقام iiوكـرامة=لـك الله يـجمع حـيلها مع أهروفا
شـرعٍ لـهم سـابق وميراث والد=ومـا ورّث الـوالد نشت به صفوفا
إذا جـيتهم فـأخبر ترى عز دارهم=يـطرب صغار السن مصلح عروفا
وأعـرض لهم بالشور والله مساعد=شـور الهدى يشفي ويبري حسوفا
مـن رد مـاكنه شرد مثل ما مضى=تـرى الـعز في الدنيا وجمع شفوفا
مـا ضـاع مـن قـال اللآما مَعَزه=ومـن جـرّب الدنيا بدت له وصوفا
بـوصوفها تـبدي لـكم حال غيركم=والـعز فـي الـلآما وجمعاً عطوفا
عـطف الـتوادد يـظهر الحقد منكم=ويـسقي مـعاديكم مـراير حسوفا
تـكفون شـوموا أصلح الله شانكم =شوموا عسى عصر التجافي عصوفا
شـوموا ولـوموا من تبقى خلافكم=خـلـوا مـبانيها وهـدوا شـروفا
تـرى داركـم قـامت بعز ومهابه=بـنتها حـرارٍ فـرسها مـن كفوفا
تـرى الدار قامت وأستقامت بعزهم =بـأرباح تـاجرها ومـكسب ضعوفا
تـعيضكم فـي شينة الوجه ملحس=دار جـفتكم وأسـرفت فـي عنوفا
عـساكم لنصحي تسمعون لنصيحتي=تـجيبون لـلداعى عـساها ذلـوفا
تشوفون عقب الضيم والشين والجفا=عــز لـكم طـالع وخـيرٍ يـنوفا
والله لــولا قـربكم دون غـيركم=ورجـواي فـيكم تسرعون بكسوفا
تـخلون دار الـذل بـأرغام ضدكم=تـعافون لامـاها وجـرعة صروفا
إنــي مـفـارقها فـلولا فـراقكم =أشـوف يـعري بالعرى من حلوفا
أنـتم شفى روحي وعزي وعزوتي=عـسى الله يـآمركم ونقشع سقوفا
وتـلـمنا دارٍ شـرفـنا بـعـزها=بـنوها قـرايبنا بـمقبض سـيوفا
رسـمٍ بـه العينين شاعت وشيعت=لـناالجود والـعليا ورثـنا وقـوفا
بـنـو دارمٍ ذروة تـمـيمٍ وتـنتمي=لـفرع الـندى موري سناها ضيوفا
لـنا طـارقٍ بـالضيف فخرٍ وعادةٍ = ورثـناه عـن جدٍ سلف من سلوفا
عـسى الله يا مرنا بذا الدار نجتمع=عـلى طـاعته والجمع فيها iiطروفا
يـستر عـز الـدار ويـفوز حـيها=ويـفرح بـلاماها شـفيقٍ يـشوفا
تـمت وصـلى الله على سيد الورى =عـدد نـوض براقٍ وهبت أشحوفا
وعـلى الآل تغشاهم وعمة صحابته=نـجوم الـهدى يهدي لها من يشوفا