رساله صادره من القلب اطيرها مع النسمات = تلاقيها اف بريد الشوق خذيها لاتخليها
بداية سطرها الاول احبك اول الكلمات= ولا اقدر اعيش العمر دونك بس كمليها
وثاني سطر ياعمري تغضي عن زمان فات = تعبنا من الزعل والصد والدنيا ومآسيها
وثالث سطر خلينا ثواني نستمع للذات= حسافه تضيع امال تمنينا نعليها
تعالي نقلب الصفحه ونعرف موقع الخطوات= نحاول نصلح الغلطه ولا نوقع بعد فيها
زمن عدا خلاص انسيه محال تصحي الاموات = تعالي ارجوك يكفينا وسنين البعد انسيها
تعالي وارجعي للحب تعالي ننهي الماساة= ترى طال البعد يكفي رجاء لا تطوليها
خسرنا عمرنا الوردي و ربحنا الهم والاهات = وحياة اصبحت علقم متى انتي تحليها