ولا تنخدع باللي طليـقٍ احجاجـه
لا من سمعته قلت معدنـه المـاس
انظر لفعله تكتشـف وش خماجـه
ترى الحصاني تغيّر لباس بلبـاس
واحذر من اللي ماثبت في مزاجـه
كل يوم والثانـي تلاقيـه محتـاس
عواطفـه تحكمـه طايـر عجاجـه
يومٍ يثق بك وآخـرٍ فيـه اوجـاس
ورجل مهفّه ما عرف وش خراجـه
ودّك على علباه يكـوى بمحمـاس
تعبـت انـا والفكـر زاد انزعاجـه
واعلنت حربي للحصاني والانجاس
أستاذنا الكبير د.عثمان العبدالله سلمت أناملك على هذه القصيدة الرائعة والأكثر
من رائعة. لا هنت أستاذي وسلم الله أناملك...دمت بخير.
تقبل خالص احترامي وتقديري.
جلال إبراهيم الصبيح