أرفض أكون بدنيتي كـْـمالـــة عــدد=يوم إن غــيـــري مهــفي ٍ حــظـه هــفـــي
من فضل ربي ماخضعت أبدا ً لـ أحـد=عـــزمي قـــوي / ناري أبد ماتــنـطــفـــي
مـن خـلقـتي راسي ولا عـمره سجد=إلا لــربـي عــالــم الــســــر الــخـــفــي
أنـا بـطــبـعـي دايـمـا وافي عـهـــد=وبعــيــن طــبعــي شايفــن غــيــري وفـــي
ماعمري أخلفت بحـيـاتي للوعد=لــوهــو عــلى مـوتي أنا بــوعـــدي أفــي
أسهر لـ ضيقة صاحبي لو ما رقد=مــااغـــِـط في نــومي حـشــى لـيــن يغــفـي
((بس .. يكفي لعب)).. لاتحرق زماني=لاتودعنـي علـى شــط الغبيـنـه
يامراكـب حـب ماتلـقـا مـوانـي=للسعـاده ضيعـت فرصـه ثميـنـه
انشـد الساعـات عنهـا والثـوانـي=كيف تاهـت فيـك يـادرب المدينـه
المحبـه مالهـا عـنـدك معـانـي=والجـروح الخافيـه فينـي دفيـنـه
الـوداع المـر يسـري فـي كيانـي=والالـم والخـوف يلعـب بالسفينـه
يامهات الروض عندي لك رساله=سجليها للزمن باقصى الخفـوق
في نظام الحب مافيـه استحالـه=دام فيه اثنين عاشق ومعشـوق
تحت سقف الحب عاشو في ظلاله=في مشاعر بعض يرفون الفتـوق
لايغرك وجد شاعـر فـي مقالـه=واجد الشعار واغلبهـم سـروق
فيهم اللي يكتب الشعـر بجزالـه=وفيهم اللي يشتري نظم الطـروق
الله اكبر وش اللي عاد تبغـى نقـول=بح صوتي وكثر الصوت مـا ينفعـك
في بداية هوانا كان طبعـك خجـول=يوم طرفك تغضه عنـد مـا اودعـك
كنت بهجة فؤادي في جميع الفصـول=يوم اطالع ويحكي بالهـوى مدمعـك
كـل يـوم ٍادور عـذر ادور حلـول=لا تنادي عليه حالفٍ ماسمعـك
انتهى الحب الاول ياعديـم الاصـول=صرت اغمض عيوني لجل ما تتبعـك
الحـر الأشقرلاتضايـق مـن الـدار =لوهي عليه أغلى مـن أمـه تركهـا
راح يتلفت في السماء يميـن ويسـار =وخلـى حمـام الـدار للـي شبكهـا
وأنا سوات الحـر الأشقـر لياطـار =وياماسلكـت دروبـه اللـي سلكهـا
وياما وطت رجلي على أنياب الأخطار =وياما كسـرت أنيابهـا فـي حنكهـا
أزمي كما يزمي مـع الجـو طيـار =وأنكف نكوفـه عـن جمـوع ٍفتكهـا
سلام يا ديرة حبيبـي بالصبـاح وبالمسـى=يا ديرةٍ بوجـود خلـي كـل يـوم منـوّره
ما انساه لو غاب وتركني للبهاذيـل ونسـى=والله لا الف الكون كله شبـر.. شبـر ادوّره
قلبي رحوم إن كان قلبه عقب هالعشرة قسى=بأول لقا وآخر لقا وسط الخفـوق مصـوّره
وأنا ادري انه ما تركني كود من كيد النسـاء=وإلى برك حظي فانا غصـبٍ عليـه اثـوّره
ما دام حبه وسط قلبي يـوم قابلنَـي رسـى=والله لا أباهي في غرامه واحفظـه واطـوّره
ننسى الغلط من واحداً ماعرفنـاه=ولا سفيهـاً فـي لقـاه ابتلينـا
مانجادله لاصار وضعه بخصنـاه=من كلمة الرجـال كلـش يبينـا
ان كرر الغلطه علينـا نصحنـاه=باسلوب عصري مارفعنـا يدينـا
وان عادهـا بيشـوف مالاتمنـاه=يقضي حياته كلهـا مـا نسينـا
والشايب اللي كبرسنـه خبرنـاه=نضحـك ولويلعـن حداوالديـنـا
معقوله يجفا من وعدني وصالـه=معقوله ينسـى موعـده بالليالـي
معقوله انطر كـلّ يومـي بدالـه=ومرسول قلبي ماحصل به منالـي
الشمس غابت في نهاري زوالـه=والليل غشا في عيونـي ضلالـي
والطار يطرب من حبيبه وفا لـه=والقلب عندي ماحصل له مجالـي
والشوق ضامي عطشته البطالـه=من كان شوقه ينتثر لـه همالـي
مل قلبٍ ليا التمـت جروحـه وطـاب=قام جدد جروحـه لابـس البنطلـون
يذبح المسلميـن ولا يهـاب العقـاب=وآمنيـن العقوبـة دايـمٍ يجـرمـون
كن مافيه موت وكـن مابـه حسـاب=يوم يجـزى عبـاد الله بمـا يفعلـون
غره انه غضيض العود تـوه شبـاب=راويٍ بالجمال اللي يجيـب الجنـون
مترفٍ رابيٍ بيـن السمـا والسحـاب=ما عرف للشقا والهـم طعـمٍ ولـون
قربينـي لا بغيتـي وأبعدينـي لا بغيتـي=المهـم قلبـي طلبتك..أبعـدي لا تقربينـه
إن رضيتي ياحلاتك وإن زعلتي مارضيتـي=المصيبه لا زعلتـي كـل شـيٍ تذبحينـه
والله إنك لو دريتي.. حتى لو منتي دريتـي=كنت أفكر لا زعلتي وشهو اللـي تبتغينـه
كنت أفكر يا حياتي .. يابعد حيي وميتـي=لا زعلتي وشهو اللي في حياتك ترتجينـه
المصيبه لا فهمتك والحقيقـه مـا حكيتـي=قمت أشكّك في فؤادي يا تبينه .. ما تبينـه
|