[بنت النور]

القصة الثالثة

(قصة أبو نقيص)

كان يا مكان في سالف العصر و الاوان كان هناك حرمة عقيم ما اتجيب أولاد وراحت لمشعوذة وقالت لها أنها تريد تنجب فقالتلها المشعوذة هزي بأربعة من أقراص العجين لفترة من الزمن!! وهالاقراص بعدين بيتحولوا لاولاد صغار لكن بشرط غطي هالاقراص ولاتكشفي عنهم ابد

سوت الحرمة اللي قالت لها الساحرة وهي كانت تبيع اللبن للجيران وياها طفل من اولاد جيرانها وهي جالسة تهز بالاقراص وقال لها أريد لبن فقالت اوكي أنت هز بالمهد ولا تكشفة و أنا بجيبلك اللبن و لما راحت الحرمة اتجيب اللبن كشف الطفل عن المهد وشاف أقراص العجين واستغرب وأخذ قضمه من وحده منهن ولما ردت الحرمة وعطتة اللبن راح البيت وردت الحرمة تهز بالمهد

وش صاااااااار بعدييييييين؟؟

تحققت نبوة الساحرة ويابت الحرمة أربعة أولاد لكن واحد منهم فيه عيب خلقي سمته (أبونقيص) طبعا ابو نقيص كان من العجين اللي خذ الولد منها يوم كان يهز بالمهد

وفي يوم من الايام رسلت الحرمة أولادها الاربعة لبيت المشعوذة وعطت كل واحد منهم سيف وخيل وأكل ما عدا أبو نقيص عطته عصا وحمارا وساروا الاولاد لبيت المشعوذة ...وأنطلق الاخوة الثلاثة بسرعة أما أبى نقيص فكان وايد بطئ وقال لهم أنتظرووووووني فقالوا له ما ننتظر اللي يركب **** وقاموا يضحكوا عليه وفي طريقهم شافوا قطاع طرق وما قدروا عليهم وأستنجد الاخوة الثلاثة بأبي نقيص فحارب قطاع الطرق بروحه وهزمهم وبعدين سار الاخوة بسرعة مرة غير وشافوا نهر وما قدروا يعبروه واستنجدوا مره غير بابو نقيص فسار ابو نقيص بحماره وسوى لين اخوانه درب فالنهر ومشوا الين وصلوا بيت الساحره وكان الوقت متأخر وكان عند الساحره أربع بنات فقالت الساحره للفتية الاربعة ناموا الليله عندي ووافق الاخوة ما عدا ابو نقيص اللي كان شاك في الموضوع ...

شاف ابو نقيص الساحره بدت تحضر مرجل ولما شافتهم كلهم نايمين قالت:- من صاحي و من نايم؟ وكل مرة يرد أبى نقيص أنا أبنك أبى نقيص وترد عليه شفيك؟ ويقول طيورك أزعجتني وسارت الساحره تشوف الطيور

وفي هالوقت قام ابو نقيص وصحى اخوانه وقال لهم لهم شيلوا بنات الساحره وخلوهم يرقدوا مكانكم ... ولما خلصوا الاخوان ... يات الساحره وقالت مرة من صاحي و من نايم؟ وما رد عليها احد وفي هالوقت يابت الساحره المرجل وسكبت الماي الحار على بناتها وهي تحسبهم الاخوة الاربع وعاد من ذاك اليوم والاخوان يحترمون او نقيص ويحبونه وردوا لين امهم وهم مبسوطين