يالمور خذ خانة الخامس من اليمنـا=تحتر تبرد ترى الاخـلاق خربانـه
والله لتبطـي وحـنـا ماتفاهمـنـا=مـادام ميقـوع ماعقبـت قلبـانـه
لاتشتكي الظلم حنا الوقـت ظالمنـا=ودليل ظلمي تراك تشـوف برهانـه
البارحه مـع ثـلاث ايـام مانمنـا=مكينتك تشتغـل والعيـن سهرانـه
ان اقبلت خصمنا يقضـي لوازمنـا=صدقانة تستحـل بيـوت صدقانـه
وان ادبرت شدنا يكـرب محازمنـا=ونجذب بدلوٍ يضيـع مـاه شقانـه
نصيح لاقـرب صديـق ولا يجملنـا=وتشوف رمز الغضب باطراف حجانه
والله يجيب الصديـق الـي يطمنـا=ابساله عن غريـب وحـال جدانـه
لو ميدنـا البعـد مرينـا وسلمنـا=مير البـلا شوفـة الديـان ديانـه
عـز الله انـا بهـا الدنيـا تعلمنـا=درسٍ صعيبٍ على التلميـذ نسيانـه
=عيد مربح الرشيدي