[الطامي]

تقول فتاة الحي عليا ودمعها = يجري على الخدين مثل المخايل
ياركب ياللي مـن عقيـلٍ تقللـو = على ضمرٍ شروى الحنايـا نحايـل
عليها غلمان لاكن وجيههم = بدور الدجى لولا اللحا والجدايل
ابا اوصيكم وصاةٍ ماتثقّل iركابكـم = خفيفه على راعي الثنا والجمايـل
واليا لفيتو لاهلكـم عقـب غربـه = متغبطيـنٍ فـي بطـون الحلايـل
فيكم من يلفي على بنت عوهج = تسلَيه عن ماله وكل الخلايل
وفيكم من ملفاه غما كسيحه = من الغم شينات الطبوع الهبايل
والا لفى يبغى نباها حليلها = تسقيه قيح مثل حمى الملايل
كم من صموت الحجل تبلى بعاقه = وكم عاقة تبلى بوافي الخصايل
اوصيكم وصاة ماتثقل اركابكم = لو علقت فوق الركاب الهزايل
ولقيتو اسمر مايزر اهدومه = هبيل ويلعب بالقلوب الهبايل
فقولو لبو زيـد انّ بغانـي بغيتـه وأنّ دوّر البـدلا لقينـا البـدايـل
قولو لا ابا زيدٍ ترى الواديّ امتـلا = وكلّ شعيبٍ مـن علاويـه سايـل
ابو زيد حب الناس عامٍ وينتهي = وحبي انا وياك مثل الفتايل
ابو زيد مايرجع الضايع العزا = ولاينفع القلب المعب العذايل
ابو زيد مل الله من مل قربكم = ومن لابكا يوم افتراق الحمايل
ابو زيد من بذر الشعير استرده = ومن قدم الحسنا تقاضا الجمايل
ابو زيد زلبات الصبايا مغره = وعيرات الانضى خير منهن فعايل
أبا زيـد غـرّات الصبـا لاتغـرّك ترى الهجن خيرٍ بالسرا والقوايـل
بالشتا عليك من الهجن iسمرغيّه وبالقيظ دوّر من كبـار الشمايـل
غزاليّـة المقـدم جماليّـة iالقفـا عليكـم بهـا ياراكبيـن الرحايـل
أبا زيد لوّ انّ النسا تركـب النضـا جيتك على وجناّ من الجيش حايـل
حايل ثمان اسنين مامسها النيا = ولا دارها الجمال بين العدايل
لكن صريخ المرو من تحت خفها = صريخ القطا في محكمات الحبايـل
أبا زيد تنساني وتنسـى جمايلـي الله أكـبـر يانـكـور الجمـايـل
نسيت يوم انّ عرقات الارطا بيننـا يوم انّ جعدي فوق متنيـك مايـل
أبا زيد تنسى يوم ترشـح لذبلـيّ كما يرشح العطشان باقي البلايـل
يبيعون الى باعوا ونشري الى شرو ولا غبـن الاّ بالنضـا والحلايـل