ولله الحمد تم العثور على اكثر قصيدة عليا في ابو زيد وركب غلمان بني هلال حين اوصتهم بالرساله لأبو زيد ووصفت فيه النساء والذلايل ((( اي الهجن )))
علما انه تم اقتباس ماعثر عليه من مصادر عده ومنها كتابات للأخ سعد بن عبد الله الحافي :-
تقول فتاة الحي عليا ودمعها = يجري على الخدين مثل المخايل
ياركب ياللي مـن عقيـلٍ تقللـو = على ضمرٍ شروى الحنايـا نحايـل
عليها غلمان لاكن وجيههم = بدور الدجى لولا اللحا والجدايل
ابا اوصيكم وصاةٍ ماتثقّل iركابكـم = خفيفه على راعي الثنا والجمايـل
واليا لفيتو لاهلكـم عقـب غربـه = متغبطيـنٍ فـي بطـون الحلايـل
فيكم من يلفي على بنت عوهج = تسلَيه عن ماله وكل الخلايل
وفيكم من ملفاه غما كسيحه = من الغم شينات الطبوع الهبايل
والا لفى يبغى نباها حليلها = تسقيه قيح مثل حمى الملايل
كم من صموك الحجل تبلى بعاقه = وكم عاقة تبلى بوافي الخصايل
اوصيكم وصاة ماتثقل اركابكم = لو علقت فوق الركاب الهزايل
وسلموها اسمر مايزر اهدومه = هبيل ويلعب بالقلوب الهبايل
قولو لا ابا زيدٍ ترى الواديّ امتـلا = وكلّ شعيبٍ مـن علاويـه سايـل
يبيعون الى بعنا ونشري الى شرو = ولا غبـن الاّ بالنضـا والحلايـل
ابو زيد حب الناس عامٍ وينتهي = وحبي انا وياك مثل الفتايل
ابو زيد مايرجع الضايع العزا = ولاينفع القلب المحب العذايل
ابو زيد مل الله من مل قربكم = ومن لابكا يوم افتراق الحمايل
ابو زيد من بذر الشعير استرده = ومن قدم الحسنا تقاضا الجمايل
أبا زيد تنساني وتنسـى جمايلـي = الله أكـبـر يانـكـور الجمـايـل
نسيت يوم انّ عرقات الارطا بيننـا = يوم انّ جعدي فوق متنيـك مايـل
أبا زيد تنسى يوم ترشـح لذبلـيّ = كما يرشح العطشان باقي البلايـل
ابو زيد زلبات الصبايا مغره = وعيرات الانضى خير منهن فعايل
أبا زيـد غـرّات الصبـا لاتغـرّك = ترى الهجن خيرٍ بالسرا والقوايـل
بالشتا عليك من الهجن سمرغيّه = وبالقيظ دوّر من كبـار الشمايـل
غزاليّـة المقـدم جماليّـة iالقفـا = عليكـم بهـا ياراكبيـن الرحايـل
أبا زيد لوّ انّ النسا تركـب النضـا = جيتك على وجناّ من الجيش حايـل
حايل ثمان اسنين مامسها النيا = ولا دارها الجمال بين العدايل
لكن صريخ المرو من تحت خفها = صريخ القطا في محكمات الحبايـل
ولاكن بنات البدو لامشطن ذيلها = على ثومة العرقوب غادي عمايل
ولاكنها بالحزم الأدنى نعامه = وبالحزم الأقصى من دقاق الزوايل
غزالية المقدم جمالية القفا = عليكم بها ياراكبين الرحايل