مــع خـوفي وحـرماني وشكي يلحق الريـبه
وحظّي اللي يعاندني , ولا ادري وش دوى هالحال
اسيره ,, للأسى والهم والغربال .... والطيـبه
واذا شفت الفرح .. لابد بلحظه ينقلب غربال
اصدّق بالوهم دايم .. وأغني مع اكاذيـبه
وأزيّن صورته قدّام عيني بازين الاشكال
بديت بدنيتي شمعه ضوَت ليلي تعاجيـبه
نجومه والهدوء اللي اعانق منّه الاطلال
ابــد لا هم يعـــذبني وحتى الحب ما أدري به
ولا لي غير كرّاسه احتوت صمتي وطول البال
وبعد مادار وقتي والزمن دارت دواليـبه
عرفت اّني اسيره .. للقدر . بيديني الاغلال
وحياتي اللي مضت . أوهام كانت . مالها هيـبه
اماني تنتهتي وحظي رماها بسلّة الاهمال
حكمني .. سلم مبني عـلى جهل باساليبه
كأنّه حول عنقي البسه .. مع لبسة السلسال
رضيت بقسمتي . وادري بها تستر لي العيبه
ولكن . البلا . قلبي هوي . وطبع الهوى قتّال
نسيت الواقع اللي عايشه فيه ومطاليبه
وجرفني سيل يخدعني بكذبه . والبلا مازال
تسايـرني شياطيني . وتتقن فن الاعيبه
واسايرها .. واشجعها . كذا دايم على المنوال
ولكني دعيت اللي خلقنا وعالم الغيبه
يوصلني الطريق اللي يبّعد بي عن الاهوال
ابيع الحب . وانسى كذبته وبأثمانه اشري به
نصيبي . اللي اكتبه ربي علي وارتضي به حال
بقلم
شمس القحطاني