عرض مشاركة واحدة
قديم 24-12-2007, 06:13 PM   رقم المشاركة : 9
الطائر المهاجر
** (عثمان العبدالله) ** المؤسس والمشرف العام
 الصورة الرمزية الطائر المهاجر





معلومات إضافية
  النقاط : 20
  الحالة : الطائر المهاجر متواجد حالياً

 

افتراضي رد: الشعر النبطي وتفعيلة كل نوع


العرضة
العرضة رقصة حربية تؤدى اما قبل المعركة او بعد الإنتصار
ولكل بلد رقصته الحربية والتي يختلف مسماها وطريقة ادائها من
مكان لآخر ، فعلى سبيل المثال : العرضة النجدية
نجدها لاتخرج عن تفعيلات معدوده:

1- مستفعلن/مستفعلن/مستفعلن/ مستفعلن
والله ياللي منتوي في حربنا لا مايليق =واللي زبنا ننثني دونه وعينه ماتنام
واللي قعد عن لابته لاتجعلونه رفيق = خله مع الخفرات يقعد خادم لْسمر اللثام

2- مستفعلن/مستفعلن/مستفعلن/فاعلات
مني عليكم ياهل العوجا سلام يزيد = واختص ربع بالمراجل تظهر حقوقها
فروخ الحرار اللي تطلع في نهار الهديد (بعد التعديل لضبط الوزن: افروخ حرٍ يوم,,,,)
= من نسل ابوتركي شبوب الحرب بسبوقها
حنا هل العوجا وحنا اللي نرد الضديد = والطايلة يحظى بها من عز طاروقها
يانجد حنا لك على الداعي كعام الضديد = والله ما نرخص بها وسعود عشيقها
يا لابتي هرج المجالس بالرخا مايفيد = يقطع صبي مايرد النفس عن بوقها
لي قيل ابوتركي من العوجا نوى بالشديد = عبدالعزيز اللي يسوق المر بحلوقها

سلام يا شيخ على الحكام صيته رفيع = لين اصطفق في نجد تسكن عقب زلزالها
نمشي براي الله ثم براي ابو الجميع = عبدالعزيز اللي ملك نجد وحمى جالها
لي جا نهار للجنايز فيه مثل الصريع = يمن جوانبها ويقعد ميل عيالها
كم راس راس عاصي عقب الصعا له يطيع = سلطان نجد وهقوته محد تهقوى لها
واثنى على اللي بالملاقا للسبايا وديع = سلطانا لي كبرة القالات شيالها
عبدالعزيز ان باعوا الشيمة هله مايبيع = لاستصعبت يحلها ويخلص اشكالها

3- مستفعلن/مستفعلن/مستفعلن
مني عليكم ياهل العوجا سلام = واختص ابوتركي عمى عين الحريب
ياشيخ باح الصبر من طول المقام = ياحامي الوندات ياريف الغريب
اضرب على الكايد ولاتسمع كلام = العز بالقلطات والراي الصليب
لو ان طعت الشور يالحر القطام = ماكان حشت الدار واشقيت الحريب
أكرم هل العوجا مدابيس الظلام = هم درعك الضافي الى بار الصحيب

4- مستفعلن/مستفعلن
ياللي تمنى حربنا = غا ويت يا غاوا الدليل

5- فاعلاتن/فاعلاتن/فعولن
نحمد الله جت على مانتمنى = من ولي العرش جزل الوهايب

يأمن الخايف إلى من زبنا =يشمله ظل السعود وذراها
يا وطنا كم نفوسٍ تمنا =ظيمك وربي يخيّب رجاها
عزك آل سعود والجند حنا =عين خصمك من يدينا عماها

جت لابوتركي على ماتمنى =يوم خلى السيف يرعف ذبابه
شيخنا سير بنا لا تونا = من سعى بالحرب حنا ذهابه
ياصليب الراس زبن المجنا = من سلايل وايل يلتجى به
حن هل العوجا نسابق دخنا = فعلنا بين وكل درى به
كم صبي طاح يشكي طعنا = فارق الدنيا وفارق شبابه
لاحتمى البارود منهم ومنا = لابتي تاطا الخطر ماتهابه

شيخنا سلطان كل القبايل = اعلنت له بالثنا اربابها
ياخذ الطولة على كل طايل = هقوته محد تهقوى بها
ابوتركي لاقبل الضد صايل = ياخذ الطولة ويحظى بها
حن هل العوجا الى جت صمايل = وشيخنا اللي نجد عيا بها
كم صبي يحتظي بالجمايل =* مايهاب النار يا طابها
ودك اللي مامضى له فعايل = يلبس الشيلة يغطى بها

6- فاعلاتن/فعولن/فاعلاتن/فعولن
نجد شامت لابوتركي واخذها شيخنا= واخمرت عشاقها عقب لطم خشومها
لي بكت نجد العذية تهل دموعنا = بالهنادي قاصرين شوارب قومها
حن هل العادات ومخضبين سيوفنا = والطيور الحايمة جادعين لحومها
صعبة افعالنا لي بغاها غيرنا = وكلمة التوحيد حنا عمار رسومها
حن هل العوجا نهار الملاقى عيدنا = والجزيرة كلها مد بين قرومها
لابتي عوج المراكيض هذا سوقنا = بيعوا الارواح في الهوش باول سومها







توقيع الطائر المهاجر
 
تفاعلك مع غيرك يشجعهم على التفاعل معك