[هاجس نجد]

المشاركة الأصلية كتبت بواسطة ماجد المهدي

لتحميل هنا

آه يا الدنيا ابتعديتي ثم رجعتي من جديد = ترتجي إخلاص حبي تشعلي جرحٍ دفين !!
بعد ما حبك تلاشى من زمان اتقولي عيد = خِبرك إني في حياتك كنت عز الله سجين !!
خنتي خنتي وما ألانتي وبي تلاين هالحديد = من قهر دمعي عليه أسمع له آلام وأنين
وكان قلبك مثل صخره ما يحركها شديد = آه توك تذكريني بعد كل هذي السنين !!
كيف أنسى نار دمعي ؟هل رجوعك قد يفيد ؟ = وكيف أمحي كل ليلة انتكس فيها الجبين ؟
إنتي كنتي بخافقي عقدٍ من النوع الفريد = لا شبيه ولا نظير ولا أحد مثله ثمين
وقلت أنا لك مهما صار ولو تجمّع هالعبيد = من أجل فقدك حبيبي ما فقدتك والمعين
والعشق ما كل من قاله تحسْبينه سديد = العشق دستور في روحي ونطقي له حنين
والقمر ما هو بإنتي هذا ظلك يا العنيد = والنجم يطلب وصاله في الطلوع وكل حين
لك كتبت وبك نظمت وهالقلم بإسمك نضيد = مقتلي واضح بعيني إني في حبك أمين
غير دربك ما سلكت وغير دربك ما أجيد = لو ضحكتي حس نبضي ان توّي بالجنين
يا خسارة انصدمت وما هقيت الحب كيد = والقهر إني وفيت وخاطري أضحى حزين
ابتعدتي بلا كلامٍ او سلامٍ من بعيد = لا وأنا بحِّيت صوتي ليه ليه؟؟ وين وين؟؟
لا سؤال ولا جواب ولا رساله بالبريد = ما تبين اتطمنيني يا قساكي ما تبين
خلَّي قلبك في قساه وخلّي قلبي كالجليد = ما أبي قلبي يحس وما أبي قلبك يلين
بعد ما حبك تلاشى من زمان اتقولي عيد = خِبرك إني في حياتك كنت عز الله سجين !!

\
/
\
ماجد المهدي

أخوي العزيز / ماجد المهدي
صح لسانك وفكرك
قصيدة جميله في منتهى الروعة والجمال
يسلم لي هالصوت اللي أعطى القصيدة حلاوة فوق حلا وتها
مشاء الله صوت إذاعي جميل جداً ومميز
بدون مجامله أنت رااااااااائع رااااااااااائع
ولا يجي منك قصور
تقبل تحياتي وتقديري لشخصك الكريم
ولثقتك العالية بروحك
دمت ودام قلبك ينبض بروح الحب الصادق
ودام قلمك ينزف بأحلى العبارات والجمل المسيقية الساحرة
أخــــوك
هاجس H نجـــد