[هيثم نور الدين]

لما بحب..... أحب أغني
..
ولما بشتاق ..... م الشوق بغني
..
وبنجرح ..... بال أه بغني
..
وببكي لما ..... دمعي يغني
..
بفرح بروح ..... طاير مغني
..
واحلم ببكرة ..... ولبكرة أغني
..
وأحن للذكرى..... أغني
..
يا غنوة طالعة غصب عني
..
لأن صوتي دا حته مني
..
يبقى بصوتي ..... لازم أغني
..
عيني في عينك يا سامعني
..
لما بتحزن !!!! نفسك تغني!!!!!
..
بتنخدع ..... حرقه تغني !!!!!
..
بتتوجع ..... أهك تغني !!!!!
..
بتتظلم ..... تارك يغني
..
بتتسمع ..... لما تغني
..
وطني يا أغلي حته مني
..
لما بنسهر ف الليل..... نغني
..
لما بنتعب م الويل..... نغني
..
ونتوه ونرجع ..... برضه نغني
..
الغنوة أبدا مش ضعف مني
..
لكن ساعات ... برفض أرد ... بروح مغني
..
بغني لما ..... بحكلها عني
..
أشكلها همي
..
أطفي ناري
..
أوصف مراري
..
أقول بحبك
..
أو حتى أداري
..
الغنوة مش ...صورة وصوت
..
الغنوة سر... طالع بصوت
..
بيقول حاجات ..... ممكن تموت
..
جوانا أو ..... تكسر حدود
..
هو أنت ليه ؟؟؟؟ ساكت باصصلي!!!!
..
سمعني صوتك ..... خليه يغني
..
ما أنا كنت زيك ... ساكت تملي
..
والغنوة طلعت ...... غصب عني
..
الغنوة طلعت غصب عني
..
يا غنوة يا مصاحبه الطريق
..
يا أحلى حاجه غصب عني